2022 May 25 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

സിന്‍ജിയാങ് ക്യാംപില്‍ ഉയിഗൂര്‍  വംശജന്‍ മരിച്ചത് സ്ഥിരീകരിച്ച് ചൈന

 
 
 
ബെയ്ജിങ്: സിന്‍ജിയാങ്ങിലെ തടവറയ്ക്കു സമാനമായ ക്യാംപില്‍ ഉയിഗൂര്‍ മുസ്‌ലിം മരിച്ചത് ഔദ്യോഗികമായി സ്ഥിരീകരിച്ച് ചൈന. അബ്ദുല്‍ ഗഫൂര്‍ ഹാഫിസ് എന്നയാളാണ് മരിച്ചതെന്ന് യു.എന്നിനെ അറിയിക്കുകയായിരുന്നു. 2019 ഏപ്രിലില്‍ ഇയാളെ കാണാതായതായി കാണാതായവര്‍ക്കു വേണ്ടിയുള്ള യൂ.എന്‍ ഏജന്‍സി രജിസ്റ്റര്‍ ചെയ്‌തെങ്കിലും ഈമാസം വരെ ചൈന പ്രതികരിച്ചിരുന്നില്ല. കാഷ്ഗറില്‍ നിന്നുള്ള മുന്‍ ഡ്രൈവറായ ഗഫൂര്‍ രണ്ടുവര്‍ഷം മുമ്പ് ന്യൂമോണിയ ബാധിച്ച് മരിച്ചെന്നാണ് ചൈന പറയുന്നത്. അതേസമയം 2017 മുതല്‍ ഇദ്ദേഹം സിന്‍ജിയാങ്ങിലെ തടങ്കല്‍ ക്യാംപിലാണെന്ന് കുടുംബം ആരോപിക്കുന്നു.
സിന്‍ജിയാങ്ങിലെ 380ലധികം തടങ്കല്‍ പാളയങ്ങളിലായി 10 ലക്ഷത്തിലധികം ഉയിഗൂര്‍ മുസ്‌ലിംകളെയാണ് പാര്‍പ്പിച്ചിരിക്കുന്നതെന്നാണ് യു.എന്നിന്റെ റിപ്പോര്‍ട്ട്. തീവ്രവാദവും മതാസക്തിയും കുറയ്ക്കാനുള്ള പരിശീലനക്യാംപുകളാണ് ഇവയെന്നാണ് ചൈനയുടെ വാദം. എന്നാല്‍ ഇത്തരം തടങ്കല്‍ പാളയത്തിലൂടെ ഉയിഗൂര്‍ മുസ്‌ലിംകളെ വംശഹത്യ ചെയ്യുകയാണെന്നാണ് പല പഠനങ്ങളും പറയുന്നത്. 
എല്ലാവരെയും മോചിപ്പിച്ചുവെന്ന ചൈനയുടെ വാദം തെറ്റാണെന്നും ഇപ്പോഴും തടങ്കല്‍ പാളയങ്ങള്‍ ഉണ്ടാക്കുന്നത് തുടരുന്നുവെന്നും ആസ്‌ത്രേലിയന്‍ സ്ട്രാറ്റെജിക് പോളിസി ഇന്‍സ്റ്റിറ്റ്യൂട്ടിന്റെ പുതിയ പഠനം വെളിപ്പെടുത്തുന്നു. സാറ്റ്‌ലൈറ്റ് ചിത്രങ്ങള്‍, ദൃക്‌സാക്ഷിമൊഴി, മാധ്യമ റിപ്പോര്‍ട്ടുകള്‍ എന്നിവയാണ് പഠനത്തിന് ഉപയോഗിച്ചിരിക്കുന്നത്. സിന്‍ജിയാങ്ങില്‍ ആയിരത്തിലേറെ മുസ്‌ലിം കള്ളികള്‍ ചൈന തകര്‍ത്തിട്ടുണ്ട്. 

ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News