2021 January 22 Friday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

സിഗ്‌നല്‍ ലൈറ്റില്ല; ശങ്കരമംഗലം ജങ്ഷനില്‍ അപകട ഭീഷണി

ചവറ: നിരവധി യാത്രക്കാര്‍ ദിനം പ്രതി കടന്നുപോകുന്ന ശങ്കരമംഗലം ജങ്ഷന്‍ നാട്ടുകാര്‍ക്ക് അപകടഭീഷണിയാകുന്നു. സിഗ്‌നല്‍ ലൈറ്റിലാത്തതാണ് ദിനം പ്രതി അപകടം കൂടാന്‍ കാരണമെന്ന് നാട്ടുകാര്‍ പറയുന്നു. ശങ്കരമംഗലം ജങ്ഷനില്‍ ദേശീയപാതയില്‍ നിന്ന് കിഴക്കോട്ടും പടിഞ്ഞാറോട്ടും റോഡുള്ളതിനാല്‍ ദേശീയപാത ഉള്‍പ്പെടെ നാല് വശത്ത് നിന്നും വാഹനങ്ങള്‍ അമിത വേഗതയില്‍ വരുന്നത് കാരണം കാല്‍നടയാത്രക്കാര്‍ക്ക് റോഡ് മുറിച്ച് കടക്കാന്‍ പറ്റാത്ത അവസ്ഥയാണ്.
സ്‌കൂള്‍ തുറക്കുമ്പോള്‍ രാവിലെയും വൈകിട്ടും വലിയ തിരക്കാണ് ഇവിടെ അനുഭവപ്പെടുന്നത്. സിഗ്നല്‍ ലൈറ്റില്ലാത്തതിനാല്‍ കുട്ടികള്‍ ഉള്‍പ്പെടെ ഉള്ളവര്‍ റോഡ് മുറിച്ച് കടക്കുമ്പോള്‍ എതിരെ വരുന്ന വാഹനം തട്ടിയാണ് അപകടം ഉണ്ടാകുന്നത്. പൊന്മന കാട്ടില്‍ മേക്കതില്‍ ദേവീ ക്ഷേത്രം, കാമന്‍കുളങ്ങര ദേവീ ക്ഷേത്രം, കോവില്‍ത്തോട്ടം സെന്റ് ആന്‍ഡ്രൂസ് ദേവാലയം എന്നിവിടങ്ങളിലേക്ക് പോകുന്ന വിശ്വാസികള്‍ക്കും സിഗ്‌നല്‍ ലൈറ്റില്ലാത്തത് ഏറെ ബുദ്ധിമുട്ടായി മാറിയിരിക്കുകയാണ്. ദിവസവും ചെറുതും വലുതുമായ അപകടങ്ങളാണ് ശങ്കരമംഗലം ജങ്ഷനില്‍ ഉണ്ടാകുന്നത്. ഇവിടുത്തെ അപകടക്കെണിക്ക് ഒരു പരിഹാരം ഉണ്ടാക്കണമെന്നാവശ്യം വീണ്ടും ഉയരുകയാണ്.

 

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.