2023 January 29 Sunday
‘കട്ടപ്പുറത്തെ കേരള സര്‍ക്കാര്‍’ ധവളപത്രം പുറത്തിറക്കി യു.ഡി.എഫ്; ഗുരുതര ആരോപണങ്ങള്‍

എല്ലാ പ്രധാനമന്ത്രിമാരും പാകിസ്താനുമായി നല്ല ബന്ധത്തിന് ശ്രമിച്ചു; എന്നാല്‍ അവരതു മനസിലാക്കിയില്ല: രാജ്‌നാഥ് സിങ്

തീവ്രവാദത്തിനെതിരെ മാത്രമല്ല അവരെ പ്രോത്സാഹിപ്പിക്കുന്ന രാജ്യങ്ങള്‍ക്കെതിരെയും നടപടി വേണം

ന്യൂഡല്‍ഹി:  ഇസ്‌ലാമാബാദില്‍ നടന്ന സാര്‍ക്ക് ഉച്ചകോടിയില്‍ ഭീകരതയെ അപലപിച്ച് സംസാരിച്ചതായി കേന്ദ്ര ആഭ്യന്തരമന്ത്രി രാജ്‌നാഥ് സിങ് രാജ്യസഭയില്‍ പറഞ്ഞു.

നമ്മുടെ എല്ലാ പ്രധാനമന്ത്രിമാരും പാകിസ്താനുമായി നല്ല ബന്ധം കാത്തുസൂക്ഷിക്കുന്നതിനായി പരിശ്രമിച്ചു. എന്നാല്‍ നമ്മുടെ അയല്‍രാജ്യം മാത്രം അതു കണ്ടില്ല. അവരതു മനസിലാക്കിയില്ല.  തീവ്രവാദത്തിനെതിരെ മാത്രമല്ല അവരെ പ്രോത്സാഹിപ്പിക്കുന്ന രാജ്യങ്ങള്‍ക്കെതിരെയും നടപടി വേണം. മനുഷ്യാവകാശങ്ങള്‍ ഹനിക്കുന്നതില്‍ ഏറ്റവും മുന്നില്‍നില്‍ക്കുന്ന രാജ്യമാണ് പാകിസ്താന്‍. അവരാണ് കശ്മീരിലെ മനുഷ്യാവകാശത്തെ പറ്റി സംസാരിക്കുന്നത്-  രാജ്‌നാഥ് പറഞ്ഞു.

തീവ്രവാദമാണ് മനുഷ്യാവകാശങ്ങള്‍ക്ക് ഏറ്റവും വലിയ വെല്ലുവിളിയെന്നും ഭീകരവാദികളെ പരസ്പരം കൈമാറണമെന്നും സാര്‍ക്ക് ഉച്ചകോടിയില്‍ ആവശ്യപ്പെട്ടതായി രാജ്‌നാഥ് സിങ് രാജ്യസഭയെ അറിയിച്ചു.

 


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.