2021 December 04 Saturday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

സാഫ് കപ്പ് ഇന്ത്യക്ക്

മാലി: സാഫ് ഫുട്‌ബോള്‍ ചാംപ്യന്‍ഷിപ്പില്‍ ഇന്ത്യ ചാംപ്യന്‍മാര്‍. ഇന്നലെ നടന്ന കലാശപ്പോരാട്ടത്തില്‍ എതിരില്ലാത്ത മൂന്ന് ഗോളിന് നേപ്പാളിനെ തകര്‍ത്താണ് ഇന്ത്യ കിരീടം സ്വന്തമാക്കിയത്. മികച്ച പ്രകടനവുമായി തുടങ്ങിയ ഇന്ത്യയുടെ മുന്നേറ്റങ്ങള്‍ക്ക് കനത്ത മഴ തിരിച്ചടിയായി. ഇതോടെ ആദ്യ പകുതിയില്‍ ഇന്ത്യയുടെ നീക്കങ്ങളൊന്നും ഫലം കണ്ടില്ല.
രണ്ടാം പകുതിയില്‍ ആത്മവിശ്വാസത്തോടെ ഇറങ്ങിയ ഇന്ത്യ തുടക്കത്തില്‍ തന്നെ താളം കണ്ടെത്തി. മികച്ച നീക്കത്തിനൊടുവില്‍ 49ാം മിനുട്ടില്‍ സുനില്‍ ഛേത്രി ഇന്ത്യക്കായി ആദ്യ ഗോള്‍ സ്വന്തമാക്കി. ഒരു ഗോള്‍ ലീഡ് നേടിയതോടെ ആത്മവിശ്വാസത്തോടെ കളിച്ച ഇന്ത്യ തൊട്ടടുത്ത മിനുട്ടില്‍ രണ്ടാം ഗോളും നേടി. 50ാം മിനുട്ടില്‍ സുരേഷ് വാങ്ജമാണ് ഇന്ത്യയുടെ രണ്ടാം ഗോള്‍ നേടിയത്. മത്സരം അവസാനിക്കാറായപ്പോഴേക്കും മഴവീണ്ടും മത്സരത്തിന്റെ വീര്യം കെടുത്തി. എന്നാല്‍ ഗോള്‍ മടക്കാനായി നേപ്പാള്‍ താരങ്ങള്‍ കിണഞ്ഞു ശ്രമിച്ചുകൊണ്ടിരുന്നു. ആശ്വാസ ഗോളിനായി നേപ്പാള്‍ താരങ്ങള്‍ പൊരുതുന്നതിനിടെ ഇന്ത്യ മൂന്നാം ഗോളും നേടി. 91ാം മിനുട്ടില്‍ മലയാളി താരം സഹല്‍ അബ്ദുല്‍ സമദാണ് ഇന്ത്യക്കായി മൂന്നാം ഗോള്‍ സ്വന്തമാക്കിയത്. ഇതോടെ തോല്‍വി ഉറപ്പിച്ച നേപ്പാളിന് പിന്നീട് പൊരുതാനുള്ള ഊര്‍ജം ഉണ്ടായിരുന്നില്ല.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News