2022 July 02 Saturday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

സാം കറനും ജോഷ് ഹേസല്‍വുഡും ആദ്യ മത്സരത്തിനുണ്ടാവില്ല

അബൂദബി: ഉദ്ഘാടന മത്സരത്തിനൊരുങ്ങുന്ന ചെന്നൈ സൂപ്പര്‍ കിങ്‌സിന് വീണ്ടും തിരിച്ചടി. ടീമില്‍ പുതുതായെത്തിയ ആസ്‌ത്രേലിയന്‍ പേസര്‍ ജോഷ് ഹേസല്‍വുഡും ഇംഗ്ലണ്ടിന്റെ യുവ ഓള്‍റൗണ്ടര്‍ സാം കറനും ഉദ്ഘാടന മല്‍സരത്തില്‍ കളിക്കില്ലെന്നതാണ് വിവരം.
മുംബൈയ്‌ക്കെതിരായ ആദ്യ മല്‍സരത്തില്‍ മാത്രമല്ല 22ന് രാജസ്ഥാന്‍ റോയല്‍സുമായുള്ള രണ്ടാമത്തെ മല്‍സരത്തിലും ഇരുവരും സി.എസ്‌കെയ്ക്കായി കളിക്കാനിടയില്ല. നിലവില്‍ ദേശീയ ടീമുകള്‍ക്കൊപ്പം കളിച്ചു കൊണ്ടിരിക്കുന്ന ഹേസല്‍വുഡും കറെനും 17ന് വൈകീട്ട് മാത്രമേ യു.എ.ഇയിലെത്തുകയുള്ളൂ.
ഇവിടെയെത്തിയാല്‍ രണ്ടു പേര്‍ക്കും ആറു ദിവസം ക്വാറന്റീനില്‍ കഴിയേണ്ടി വരും. ഇതിനിടെയുള്ള കൊവിഡ് ടെസ്റ്റുകളില്‍ നെഗറ്റീവായാല്‍ മാത്രമേ താരങ്ങള്‍ക്കു സി.എസ്.കെയ്‌ക്കൊപ്പം ചേരാനാവൂ. സുരേഷ് റെയ്‌നയും ഹര്‍ഭജന്‍ സിങ്ങും ഇല്ലാത്ത ചെന്നൈക്ക് കനത്ത തിരിച്ചടിയാണ് നിലവിലുള്ളത്. ബ്രാവോ, മിച്ചന്‍ സാന്റനര്‍ എന്നിവര്‍ ഇപ്പോള്‍ കരീബിയന്‍ പ്രീമിയര്‍ ലീഗില്‍ കളിച്ചു കൊണ്ടിരിക്കുക്കയാണ്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.