2021 August 02 Monday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

സഹാറ ചിട്ടി തട്ടിപ്പ്; നിക്ഷേപകര്‍ക്ക് 62,602 കോടി നല്‍കിയില്ലെങ്കില്‍ സുബ്രതാ റോയിയെ ജയിലിലിടണമെന്ന് സെബി

ന്യൂഡല്‍ഹി: സഹാറ ചിട്ടി തട്ടിപ്പിനിരയായ നിക്ഷേപകര്‍ക്ക് 62,602 കോടി തിരിച്ചുനല്‍കിയില്ലെങ്കില്‍ സഹാറ മേധാവി സുബ്രതാ റോയിയെ ജയിലിലടക്കണമെന്നാവശ്യപ്പെട്ട് സെബി സുപ്രിംകോടതിയെ സമീപിച്ചു. നിക്ഷേപകരുടെ തുക 15 ശതമാനം പലിശയോടെ തിരിച്ചുനല്‍കണമെന്നാവശ്യപ്പെട്ട് 2012ലും 2015ലും കോടതി ഉത്തരവ് പുറപ്പെടുവിച്ചിരുന്നെങ്കിലും കമ്പനി പാലിച്ചില്ലെന്ന് സെബി ഹരജിയില്‍ ചൂണ്ടിക്കാട്ടി. ഇത്തവണ ഇത്തരത്തില്‍ വീഴ്ചവരുത്തിയാല്‍ കോടതിയലക്ഷ്യമായി കണക്കാക്കണം.
ഈ വര്‍ഷം ഓഗസ്റ്റ് 31ഓടെ 90 ശതമാനം തുകയും തിരിച്ചുനല്‍കിയെന്നാണ് സഹാറ അവകാശപ്പെടുന്നത്.
ഇതുസംബന്ധിച്ച കാര്യങ്ങള്‍ കോടതിയുടെ ശ്രദ്ധയില്‍പ്പെടുത്താതിരുന്നത് എന്തുകൊണ്ടാണെന്ന ചോദ്യത്തിന് കമ്പനി ഇതുവരെ വിശദീകരണം നല്‍കിയിട്ടില്ല. തുക തിരിച്ചുനല്‍കിയെന്ന് പറയുന്നതില്‍ നിരവധി അവ്യക്തതകളുണ്ടെന്നും സെബി ചൂണ്ടിക്കാട്ടി.
തട്ടിപ്പുകേസില്‍ 2014ല്‍ അറസ്റ്റിലായ സുബ്രതാ റോയ് 2016 മുതല്‍ ജാമ്യത്തിലാണ്.
നിക്ഷേപകരുടെ തുക തിരിച്ചുനല്‍കാന്‍ റോയ് ഒന്നും ചെയിതിട്ടില്ലെന്നാണ് സെബി ചൂണ്ടിക്കാട്ടുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.