2021 December 06 Monday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

സയന്‍സ് വിഷയങ്ങളില്‍ ഗവേഷണത്തിന് അവസരം

 

യൂണിവേഴ്‌സിറ്റി ഓഫ് മുംബൈ ഡിപ്പാര്‍ട്ട്‌മെന്റ് ഓഫ് ആറ്റമിക് എനര്‍ജി സെന്റര്‍ ഫോര്‍ എക്‌സലന്‍സ് ഇന്‍ ബേസിക് സയന്‍സസ് (യു.എം.ഡി.എ.ഇ.സി.ഇ.ബി.എസ്.) സയന്‍സ് വിഷയങ്ങളിലെ ഗവേഷണത്തിന് അപേക്ഷ ക്ഷണിച്ചു. ഫിസിക്കല്‍, കെമിക്കല്‍, മാത്തമാറ്റിക്കല്‍, ബയോളജിക്കല്‍ സയന്‍സസ് എന്നിവയിലാണ് ഗവേഷണാവസരം.
അപേക്ഷകര്‍ക്ക് സ്‌കൂള്‍ അനുസരിച്ച് ഫിസിക്‌സ്, മാത്തമാറ്റിക്‌സ്, കെമിസ്ട്രി (ജനറല്‍, ഓര്‍ഗാനിക്, ഇനോര്‍ഗാനിക്, ഫിസിക്കല്‍, ബയോകെമിസ്ട്രി, മെറ്റീരിയല്‍ കെമിസ്ട്രി), ബോട്ടണി (ലൈഫ് സയന്‍സസ്, മൈക്രോബയോളജി, ബോട്ടണി, സുവോളജി, ബയോടെക്‌നോളജി, മോളിക്യുളാര്‍ ബയോളജി, ബയോകെമിസ്ട്രി) വിഷയത്തില്‍ 55 ശതമാനം മാര്‍ക്കോടെ തുല്യ ഗ്രേഡോടെ മാസ്റ്റേഴ്‌സ് ബിരുദം (പട്ടിക, ഭിന്നശേഷി വിഭാഗങ്ങള്‍ക്ക് 50 ശതമാനം) വേണം. വിദേശത്തുനിന്നുമുള്ള തത്തുല്യ യോഗ്യതയുള്ളവര്‍ക്കും അപേക്ഷിക്കാം.
പ്രായപരിധി ഡിസംബര്‍ 31ന് 30 വയസില്‍ കൂടാന്‍ പാടില്ല. സംവരണവിഭാഗക്കാര്‍ക്ക് ഉയര്‍ന്ന പ്രായപരിധിയില്‍ അഞ്ചുവര്‍ഷത്തെ ഇളവുകിട്ടും. അപേക്ഷാര്‍ഥിക്ക് യു.ജി.സി. സി.എസ്.ഐ.ആര്‍. നെറ്റ് (ജെ.ആര്‍.എഫ്. ഉള്‍പ്പെടെ) എസ്.എല്‍.ഇ.ടി.ഗേറ്റ്എന്‍.ബി.എച്ച്.എം.ജസ്റ്റ് മുംബൈ സര്‍വകലാശാലയുടെ പി.ഇ.ടി. ടീച്ചേഴ്‌സ് ഫെലോഷിപ്പ് വേണം. ബന്ധപ്പെട്ട വിഷയത്തിലെ എം.ഫില്‍ ബിരുദമായാലും മതി.
അപേക്ഷാമാതൃക  www.cbs.ac.in
ല്‍ ലഭ്യമാണ്. പൂരിപ്പിച്ച അപേക്ഷയും അനുബന്ധ രേഖകളും രജിസ്ട്രാര്‍ക്ക് ഡിസംബര്‍ 14നകം ലഭിക്കണം. കൂടുതല്‍ വിവരങ്ങള്‍ക്ക് വെബ് സൈറ്റ് കാണുക.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.