2022 August 16 Tuesday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

സഊദി 160 ബില്യന്‍ റിയാലിന്റെ കരാറില്‍ ഒപ്പുവച്ചു

 

വിനോദസഞ്ചാര
മേഖലയുടെ വികസനം
ജിദ്ദ: ധനകാര്യ സ്ഥാപനങ്ങളുമായി സഹകരിച്ച് രാജ്യത്തെ വിനോദ സഞ്ചാര മേഖല വികസിപ്പിക്കുന്നതിന്സഊദി 160 ബില്യന്‍ റിയാലിന്റെ കരാറില്‍ ഒപ്പുവച്ചു. സഊദി ടൂറിസം വികസന നിധിയും പ്രാദേശിക ബാങ്കുകളായ റിയാദ് ബാങ്ക്, സഊദി ഫ്രാന്‍സി ബാങ്ക് എന്നിവരുമായാണ് ഈ ഭീമന്‍ കരാര്‍. എണ്ണയിതര വരുമാനം എന്ന ലക്ഷ്യത്തില്‍ കിരീടാവകാശി മുഹമ്മദ് ബിന്‍ സല്‍മാന്‍ മുന്നോട്ട് വച്ച വിഷന്‍ 2030 പരിഷ്‌കരണ നയത്തിന്റെ പ്രധാന സ്രോതസായി ടൂറിസം മേഖലയെ വികസിപ്പിക്കാനാണ് പദ്ധതി.ഇതനുസരിച്ച് രാജ്യത്തൊട്ടാകെയുള്ള ടൂറിസം പദ്ധതികള്‍ക്ക് ധനസഹായം ലഭ്യമാക്കുക എന്നതാണ് കരാര്‍ ലക്ഷ്യം.
കൊവിഡ് മഹാമാരിയും എണ്ണ വിലയിലുണ്ടായ ഇടിവും കണക്കിലെടുത്ത് സമ്പദ് വ്യവസ്ഥയെ വൈവിധ്യവത്കരിക്കുന്നതിന് വേണ്ടി നാലു ബില്യന്‍ പ്രാഥമിക മുതല്‍മുടക്കില്‍ ജൂണില്‍ സ്ഥാപിതമായതാണ് സഊദി ടൂറിസം വികസന നിധി.
പുതിയ വിസ സമ്പ്രദായം ഏര്‍പ്പെടുത്തി 2019 സെപ്റ്റംബറിലാണ് 49 രാജ്യങ്ങളിലെ വിനോദ സഞ്ചാരികള്‍ക്ക് സഊദിഅറേബ്യ വാതില്‍ തുറന്ന് നല്‍കിയത്. 2030 ഓടെ മൊത്തം അഭ്യന്തര ഉല്‍പാദനത്തിന്റെ 10 ശതമാനം വിനോദ സഞ്ചാര മേഖലയില്‍ നിന്ന് കണ്ടെത്താനാണ് പദ്ധതി.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.