2021 December 01 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

സഊദി അരാംകൊയുമായുള്ള കരാറിൽ നിന്ന് റിലയൻസ് ഇൻഡസ്ട്രീസ് പിന്മാറി, ഇന്ത്യയിൽ പുതിയ നിക്ഷേപം തേടി അരാംകൊ

ദുബൈ: റിലയൻസ് ഇൻഡസ്ട്രീസ് ലിമിറ്റഡ് തങ്ങളുടെ ഓയിൽ-ടു-കെമിക്കൽസ് യൂണിറ്റിലെ ഓഹരികൾ മിഡിൽ ഈസ്റ്റേൺ കമ്പനിക്ക് വിൽക്കാനുള്ള പദ്ധതി ഉപേക്ഷിച്ചതിന് ശേഷവും ഇന്ത്യയിൽ നിക്ഷേപ അവസരങ്ങൾ തേടുന്നത് തുടരുമെന്ന് സഊദി അരാംകോ അറിയിച്ചു. ദീർഘകാലാടിസ്ഥാനത്തിൽ ഇന്ത്യ വമ്പിച്ച വളർച്ചാ അവസരങ്ങൾ വാഗ്ദാനം ചെയ്യുന്നുവെന്നും ഞങ്ങളുടെ സാധ്യതയുള്ള പങ്കാളികളുമായി പുതിയതും നിലവിലുള്ളതുമായ ബിസിനസ്സ് അവസരങ്ങൾ വിലയിരുത്തുന്നത് തുടരുമെന്നും അരാംകോ ഞായറാഴ്ച പ്രസ്താവനയിൽ പറഞ്ഞു.

റിലയൻസിന്റെ ഓയിൽ-ടു-കെമിക്കൽസ് യൂണിറ്റിൽ ഏകദേശം 15 ബില്യൺ ഡോളർ മൂല്യമുള്ള 20 ശതമാനം ഓഹരികൾക്കായി സഊദി അരാംകോ 2019 ഓഗസ്റ്റിൽ ഒരു നോൺ ബൈൻഡിംഗ് ലെറ്റർ ഓഫ് ഇൻറന്റ് കരാറിൽ ഒപ്പുവെച്ചിരുന്നു. എന്നാൽ, കരാറിൽ നിന്ന് പിന്മാറുന്നുവെന്ന് റിലയൻസ് വെള്ളിയാഴ്ചയാണ് വെളിപ്പെടുത്തിയത്. റിലയൻസും അരാംകോയും ദീർഘകാല ബന്ധമുള്ളവരാണ്, ഇന്ത്യയിൽ നിക്ഷേപ അവസരങ്ങൾ തേടുന്നത് തുടരുമെന്ന് അരാംകോ പറഞ്ഞു. ഇന്ത്യയിൽ അരാംകോയുടെ ഇഷ്ടപ്പെട്ട പങ്കാളിയായി തുടരുമെന്നും സ്ഥാപനവുമായുള്ള കരാറിൽ പ്രതിജ്ഞാബദ്ധമാണെന്നും റിലയൻസ് പ്രസ്താവനയിൽ പറഞ്ഞു. എന്നാൽ, കൂടുതൽ വ്യക്തത വരുത്താൻ റിലയൻസ് തയ്യാറായിട്ടില്ല.

ഈ വർഷം ജൂണിൽ, അരാംകോയുമായുള്ള നിക്ഷേപ കരാർ അന്തിമമാക്കുമെന്ന് പ്രതീക്ഷിക്കുന്നതായി റിലയൻസ് പറഞ്ഞിരുന്നു. അരാംകൊ ചെയർമാൻ യാസിർ അൽ റുമയ്യനെ റിലയൻസ് ബോർഡിൽ ഒരു സ്വതന്ത്ര ഡയറക്ടറായി നിയമിക്കുകയും ചെയ്തിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.