2022 July 01 Friday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

സഊദിയില്‍ വീഡിയോ, വോയ്‌സ് ആപ്ലിക്കേഷനുകളുടെ വിലക്കുകള്‍ ബുധനാഴ്ചയോടെ നീക്കും

റിയാദ്: സഊദിയില്‍ നിലവില്‍ പ്രവര്‍ത്തന രഹിതമാക്കിയ വോയ്‌സ്, വീഡിയോ ആപ്ലിക്കേഷനുകളുടെ വിലക്കുകള്‍ അടുത്ത ബുധനാഴ്ചയോടെ നീക്കുമെന്ന് കമ്മ്യൂണിക്കേഷന്‍സ് ആന്‍ഡ് ഇന്‍ഫര്‍മേഷന്‍ ടെക്‌നോളജി മന്ത്രി എഞ്ചിനീയര്‍ അബ്ദുല്ല അല്‍ സവാഹ വ്യക്തമാക്കി. സഊദി ടെലിക്കമ്യൂണിക്കേഷന്റെയും വിവിധ മൊബൈല്‍ കമ്പനികളുമായും സഹകരിച്ചാണ് ആപ്ലിക്കേഷനുകളുടെ വിലക്കുകള്‍ എടുത്തു കളയുന്നത്.

വ്യവസ്ഥകള്‍ പൂര്‍ണ്ണമായും അംഗീകരിക്കുന്ന വോയ്‌സ്, വീഡിയോ കോള്‍ ആപ്ലിക്കേഷനുകളുടെ നിരോധനമാണ് എടുത്തു കളയുക. ഉപയോക്താക്കളുടെ ഈ ആവശ്യങ്ങള്‍ അംഗീകരിച്ചു കൊടുക്കാന്‍ തങ്ങള്‍ പ്രതിജ്ഞാ ബദ്ധമാണെന്നു കമ്മ്യുണിക്കേഷന്‍സ് ആന്‍ഡ് ഇന്‍ഫര്‍മേഷന്‍ ടെക്‌നോളജി കമ്മീഷന്‍ (സി.ഐ.ടി.സി) പറഞ്ഞു.

പുതിയ നിര്‍ദേശങ്ങള്‍ക്കനുസൃതമായി സാങ്കേതിക വിദ്യകള്‍ സജ്ജീകരിച്ച ടെലികോം കമ്പനികള്‍ക്കും സി.ഐ.ടി.സിക്കും വകുപ്പ് മന്ത്രി നന്ദി പറഞ്ഞു. നിരോധനം നീക്കുന്നതോടെ വാട്ട്‌സ് ആപ്പ്, സ്‌കൈപ്, വൈബര്‍ തുടങ്ങിയവയിലൂടെ വോയ്‌സ്, വീഡിയോ കോളുകള്‍ ചെയ്യാനാകും.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.