2021 March 04 Thursday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഷെഡിങ് യൂനിറ്റിലേക്കുള്ള മാലിന്യങ്ങള്‍ അങ്കണവാടിക്ക് സമീപം കൂട്ടിയിട്ടു

കാട്ടാക്കട: അംഗന്‍ വാടി കെട്ടിടത്തിനോട് ചേര്‍ന്ന് നടപ്പാതയ്ക്ക് സമീപത്തായി പ്ലാസ്റ്റിക്ക് മാലിന്യങ്ങള്‍ ഷെഡില്‍ കൂട്ടി ഇട്ടിരിക്കുന്നു .പൂവച്ചല്‍ പഞ്ചായത്തു ഓഫീസിനു പുറകു വശത്തു പ്രവര്‍ത്തിക്കുന്ന അംഗന്‍ വാടിയിലേക്കു പോകുന്ന വഴിയിലാണ് ഒരു മാസത്തിലധികമായി ഷെഡില്‍ പ്ലാസ്റ്റിക്ക് മാലിന്യം സൂക്ഷിച്ചിരിക്കുന്നത്.
രാവിലെയും വൈകുന്നേരവും കുട്ടികളെയും കൊണ്ട് പോകുന്ന വഴിയില്‍ നിന്ന് ഇവ നീക്കം ചെയ്യണമെന്ന് കാണിച്ചു പഞ്ചായത്തില്‍ പരാതി പറഞ്ഞെങ്കിലും നടപടി ഉണ്ടാകുന്നില്ല എന്ന് ആക്ഷേപം ഉണ്ട് പഞ്ചായത്തിലെ വീരണകാവില്‍ പ്രവര്‍ത്തിക്കുന്ന പ്ലാസ്റ്റിക്ക് ഷെഡിങ് യൂണിറ്റിലേക്ക് വേണ്ടി വീടുകളില്‍ നിന്നും പ്രത്യേക നിരക്ക് വാങ്ങി നീക്കം ചെയ്ത പ്ലാസ്റ്റിക്ക് വേസ്റ്റുകളാണ് ഇവിടെ കുന്നു കൂട്ടി ഇട്ടിരിക്കുന്നത് കുരുന്നുകള്‍ പഠിക്കുന്ന ഇടാമെന്നു നോക്കാതെയാണ് ഇതിനു സമീപത്തായി പ്ലാസ്റ്റിക്ക് കവറുകളിലെ പ്ലാസ്റ്റിക്ക് ചാക്കുകളിലും നിറച്ച കുപ്പികളും പ്ലാസ്റ്റിക്ക് ടിന്നുകളും പാത്രങ്ങളും ഉപയോഗശൂന്യമായ മരുന്നുകുപ്പികള്‍ തുടങ്ങി ആക്രി സാധനങ്ങള്‍ സൂക്ഷിച്ചിരിക്കുന്നത്.
സമീപത്തായി വേറെയും കെട്ടിടങ്ങള്‍ സ്ഥിതി ചെയ്യുന്നുണ്ട് .പൊതു ജനങ്ങള്‍ക്ക് ബുദ്ധിമുട്ടുണ്ടാക്കുന്ന രീതിയില്‍ കൂട്ടി ഇട്ടിരിക്കുന്ന വസ്തുക്കള്‍ ഉടന്‍ നീക്കം ചെയ്യണമെന്ന് ആവശ്യം ഉയരുകയും അതെ സമയം ഷെഡിങ് യൂണിറ്റിലേക്ക് കൊണ്ട് പോകേണ്ടവ എങ്കില്‍ എന്തിനാണ് ഇവിടെ ഷെഡ്ഡ് കെട്ടി സൂക്ഷിക്കുന്നത് എന്ന ചോദ്യവും ഉയരുന്നു.

 

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.