2021 May 16 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ശരത്കുമാറിന്റെ ഭാര്യയുടെ റഡാന്‍ മീഡിയയില്‍ റെയ്ഡ്

ചെന്നൈ: തമിഴ് സിനിമാനടനും ഓള്‍ ഇന്ത്യാ സമത്വ മക്കള്‍ കക്ഷി (എ.ഐ.എസ്.എം.കെ) നേതാവുമായ ശരത്കുമാറിന്റെ ഭാര്യ രാധികയുടെ ഉടമസ്ഥതയിലുള്ള റഡാന്‍ മീഡിയ നെറ്റ് വര്‍ക്കില്‍ ആദായ നികുതി വകുപ്പ് റെയ്ഡ് നടത്തി. ചെന്നൈ ആര്‍.കെ നഗര്‍ മണ്ഡലത്തില്‍ തെരഞ്ഞെടുപ്പില്‍ വോട്ടിന് പണം നല്‍കുന്നുവെന്ന ആരോപണത്തിന്റെ പശ്ചാത്തലത്തില്‍ തമിഴ്‌നാട് ആരോഗ്യമന്ത്രി സി.വിജയ്ഭാസ്‌കര്‍, സിനിമാ താരം ശരത്കുമാര്‍ എന്നിവരുടെ വീടുകളില്‍ റെയ്ഡ് നടത്തിയിരുന്നു. ഇതിന്റെ പിന്നാലെയാണ് രാധികയുടെ ഉടമസ്ഥതയിലുള്ള സ്ഥാപനത്തിലും റെയ്ഡ് നടത്തിയത്. എന്നാല്‍ റെയ്ഡില്‍ എന്തെങ്കിലും പിടിച്ചെടുത്തിട്ടുണ്ടോ എന്നത് ആദായ നികുതി വകുപ്പ് വെളിപ്പെടുത്തിയിട്ടില്ല.
ആര്‍.കെ നഗര്‍ മണ്ഡലത്തില്‍ ശശികല പക്ഷം സ്ഥാനാര്‍ഥി ടി.ടി.വി ദിനകരനുവേണ്ടി വ്യാപകമായ തോതില്‍ പണം വിതരണം നടക്കുന്നുണ്ടെന്ന് ആരോപണം ഉയര്‍ന്ന സാഹചര്യത്തിലാണ് റെയ്ഡ് നടന്നത്. സംഭവം വാസ്തവമാണെന്ന് കണ്ടെത്തിയതോടെ തെരഞ്ഞെടുപ്പ് മാറ്റി വയ്ക്കണമെന്ന ആദായ നികുതി വകുപ്പിന്റെ ശുപാര്‍ശപ്രകാരം കഴിഞ്ഞ ദിവസം തെരഞ്ഞെടുപ്പ് മാറ്റിവയ്ക്കുകയും ചെയ്തിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.