2021 January 24 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

വികാര നിര്‍ഭരം, ഈ അപൂര്‍വ കൂടിക്കാഴ്ച

അബ്ദുസ്സലാം കൂടരഞ്ഞി

ഇസ്‌റാഈല്‍ വേര്‍പിരിച്ച മാതാവും മകനും പുണ്യഭൂമിയില്‍ കണ്ടുമുട്ടി

മക്ക:ഇസ്‌റാഈല്‍ നടത്തുന്ന ഉപരോധത്തില്‍ വേര്‍പിരിഞ്ഞ ഫലസ്തീന്‍ കുടുംബത്തിനു ഹജ്ജ് പുനഃസമാഗമ വേദിയായി. അഞ്ചു വര്‍ഷത്തിന് ശേഷമാണു ഇവര്‍ യാദൃശ്ചികമായി കണ്ടുമുട്ടിയത്. ഗസ്സയിലെ ഇമാദുദ്ദീന്‍ ഹാമാഷോയും മാതാവുമാണ് രണ്ടു സ്ഥലങ്ങളില്‍ പരസ്പരം അറിയാതെ കഴിഞ്ഞത്.
സല്‍മാന്‍ രാജാവിന്റെ അതിഥിയായാണ് ഇമാദുദ്ദീന്‍ ഹാമാഷോ ഹജ്ജിനെത്തിയത്. അനാഥരായ 1,000 പേരാണ് സല്‍മാന്‍ രാജാവിന്റെ അതിഥികളായി ഈ വര്‍ഷം ഫലസ്തീനില്‍ നിന്നും ഹജ്ജിനെത്തിയത്.
ഇതിനിടയിലാണ് റിയാദില്‍ കൂടപ്പിറപ്പുകളോടൊപ്പം കഴിയുന്ന മാതാവിനെ കണ്ടുമുട്ടിയത്.
ഇത് ഏറെ സന്തോഷകരമാണെന്നും നഷ്ടപ്പെട്ട മാതാവിനെ കണ്ടുമുട്ടിയത് വിശ്വസിക്കാനാകുന്നില്ലെന്നും ഹാമാഷോ പറഞ്ഞു. ഇസ്രാഈലിന്റെ കിരാത നടപടികളെ തുടര്‍ന്ന് ഇനി പരസ്പരം കാണുമെന്ന പ്രതീക്ഷ ഉണ്ടായിരുന്നില്ലെന്നും ഇവര്‍ പറഞ്ഞു.

 

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.