2021 May 16 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ലോകത്തിലെ ദൈര്‍ഘ്യമേറിയ വിമാനസര്‍വീസുമായി ഖത്തര്‍ എയര്‍വേയ്‌സ്

വെല്ലിങ്ടണ്‍: ലോകത്തിലെ ഏറ്റവും ദൈര്‍ഘ്യമേറിയ വിമാനസര്‍വീസുമായി ഖത്തര്‍ എയര്‍വേയ്‌സ്. ഖത്തര്‍ എയര്‍വേഴ്‌സിന്റെ ദോഹ-ഓക്ക്്‌ലാന്റ് വിമാനമാണ് ചരിത്രയാത്ര നടത്തിയത്.

14535 കിലോമീറ്റര്‍(9032 മൈല്‍) പറന്ന് QR920 വിമാനം ഇന്ന് രാവിലെ 7.25ന് ഓക്ക്‌ലാന്റിലിറങ്ങിയതായി എയര്‍ലെയ്ന്‍ ഔദ്യോഗികമായി ട്വിറ്ററില്‍ കുറിച്ചു. വിമാനം ഇത്രയും ദൂരം താണ്ടാന്‍ 17.45 മണിക്കൂര്‍ സമയമെടുത്തു. ഷെഡ്യൂള്‍ ചെയ്തതിനും അഞ്ച് മിനുട്ട് മുമ്പാണ് വിമാനം ലാന്റ്‌ചെയ്തത്.

 

ബോയിങ് 777 എന്ന ഈ വിമാനം 10 ടൈംസോണുകള്‍ കടന്നാണ് ലക്ഷ്യസ്ഥാനത്തെത്തിയത്. 217 ഇക്കോണമി ക്ലാസ് സീറ്റുകളും 42 ബിസിനസ് ക്ലാസ് സീറ്റുകളുമുള്ള വിമാനത്തില്‍ 15 ക്യാബിന്‍ ക്രൂവും 4 പൈലറ്റുമാരുമുണ്ടായിരുന്നു.

കഴിഞ്ഞവര്‍ഷം മാര്‍ച്ചില്‍ എമിറേറ്റ്‌സ് തുടങ്ങിയ 14200 കിലോമീറ്റര്‍ സഞ്ചരിക്കുന്ന ദുബായ്-ഓക്ക്‌ലാന്റ് വിമാനമായിരിന്നു ഇതുവരെ ഏറ്റവും നീളംകൂടിയ വിമാനം. 4200 കിലോമീറ്റര്‍ ദൂരം 17.25 മണിക്കൂറുകൊണ്ടാണ് എമിറേറ്റ്‌സ് വിമാനം പിന്നിടുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.