2022 May 25 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

റോബര്‍ട്ട് വദ്രയുടെ ഭൂമിയിടപാടില്‍ ക്രമക്കേടെന്ന് അന്വേഷണ റിപ്പോര്‍ട്ട്

ചണ്ഡിഗഡ്: കോണ്‍ഗ്രസ് അധ്യക്ഷ സോണിയ ഗാന്ധിയുടെ മരുമകന്‍ റോബര്‍ട്ട് വദ്ര ഉള്‍പ്പെട്ട ഭൂമിയിടപാട് കേസില്‍ ക്രമക്കേടുണ്ടെന്ന് ജുഡീഷ്യല്‍ അന്വേഷണ റിപ്പോര്‍ട്ട്. ഭൂമിയിടപാടു കേസുമായി ബന്ധപ്പെട്ട് ഹരിയാന സര്‍ക്കാറിന് സമര്‍പ്പിച്ച ജുഡീഷ്യല്‍ അന്വേഷണ റിപ്പോര്‍ട്ടിലാണ് ഇക്കാര്യം വ്യക്തമാക്കുന്നത്.ഒരു വര്‍ഷം മുന്‍പ് ജുഡീഷ്യല്‍ അന്വേഷണത്തിന് നിയോഗിക്കപ്പെട്ട ഡല്‍ഹി ഹൈകോടതി മുന്‍ ജഡ്ജി ജസ്റ്റിസ് എസ്.എന്‍ ധിന്‍ഗ്ര യാണ് കഴിഞ്ഞ ദിവസം 182 പേജുള്ള റിപ്പോര്‍ട്ട് സമര്‍പ്പിച്ചത്.

‘ക്രമക്കേടൊന്നും ഇല്ലായിരുന്നെങ്കില്‍ ഞാന്‍ ഒരുവരി റിപ്പോര്‍ട്ട് മാത്രമായിരിക്കും സമര്‍പ്പിക്കുക. എന്നാല്‍ ഞാന്‍ 182 പേജുള്ള റിപ്പോര്‍ട്ടാണ് നല്‍കിയത്. ഇത്ര വലിയ റിപ്പോര്‍ട്ട് എഴുതണമെങ്കില്‍ അതിനെന്തെങ്കിലും കാരണം ഉണ്ടാകണമല്ലോ’ എന്ന് ജസ്റ്റിസ് ധിന്‍ഗ്ര വ്യക്തമാക്കി.

2008 ല്‍ ഹരിയാനയിലെ ഗുഡ്ഗാവില്‍ 3.53 ഏക്കര്‍ ഭൂമിയിടപാടില്‍ കൃത്രിമരേഖകള്‍ ഉപയോഗിച്ചു വന്‍തുക സമ്പാദിച്ചെന്നും ഇടപാടുകള്‍ക്കു ഹരിയാന നഗരാസൂത്രണ വകുപ്പു കൂട്ടുനിന്നുവെന്നുമാണ് റോബര്‍ട്ട് വദ്രക്കെതിരായ ആരോപണം.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News