2021 April 16 Friday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

റെഡ്മി നോട്ട് 10 പ്രോ സ്മാര്‍ട്ട്‌ഫോണിന്റെ ആദ്യ വില്‍പ്പന ഇന്ന്

റെഡ്മി നോട്ട് 10 പ്രോ സ്മാര്‍ട്ട്‌ഫോണിന്റെ ആദ്യ വില്‍പ്പന ഇന്ന് നടക്കും. റെഡ്മി നോട്ട് 10, റെഡ്മി നോട്ട് 10 പ്രോ മാക്‌സ് എന്നിവയ്‌ക്കൊപ്പം ലോഞ്ച് ചെയ്ത ഈ സ്മാര്‍ട്ട്‌ഫോണില്‍ സൂപ്പര്‍ അമോലെഡ് ഡിസ്‌പ്ലേ, ക്വാഡ് റിയര്‍ ക്യാമറ സെറ്റപ്പ് തുടങ്ങിയ ആകര്‍ഷകമായ സവിശേഷതകളുണ്ട്. ഹോള്‍പഞ്ച് ഡിസ്‌പ്ലേ ഡിസൈനും 128 ജിബി വരെ ഓണ്‍ബോര്‍ഡ് സ്റ്റോറേജുമായാണ് ഡിവൈസ് പുറത്തിറക്കിയിരിക്കുന്നത്. ക്വാല്‍കോം സ്‌നാപ്ഡ്രാഗണ്‍ 732ജി എസ്ഒസി, 8 ജിബി റാം, 64 മെഗാപിക്‌സല്‍ പ്രൈമറി ക്യാമറ സെന്‍സര്‍ എന്നിവയാണ് റെഡ്മി നോട്ട് 10 പ്രോയുടെ മറ്റ് പ്രധാന സവിശേഷതകള്‍.

ഇന്ത്യയില്‍ റെഡ്മി നോട്ട് 10 പ്രോയുടെ 6 ജിബി റാമും 64 ജിബി സ്റ്റോറേജുമുള്ള മോഡലിന് 15,999 രൂപയാണ് വില. 6 ജിബി റാമും 128 ജിബി സ്റ്റോറേജുമുള്ള മോഡലിന് 16,999 രൂപ വിലയുണ്ട്. ടോപ്പ് എന്‍ഡ് മോഡലായ 8 ജിബി റാമും 128 ജിബി സ്റ്റോറേജുമുള്ള മോഡലിന് 18,999 രൂപയാണ് വില. ഡാര്‍ക്ക് നൈറ്റ്, ഗ്ലേഷ്യല്‍ ബ്ലൂ, വിന്റേജ് ബ്രൌണ്‍സ് എന്നീ നിറങ്ങളില്‍ ഈ സ്മാര്‍ട്ട്‌ഫോണ്‍ ലഭ്യമാകും. ഇന്ന് ഉച്ചയ്ക്ക് 12 മണി മുതല്‍ ആമസോണ്‍, എംഐ.കോം, എംഐ ഹോം, എംഐ സ്റ്റുഡിയോ സ്റ്റോറുകള്‍ എന്നിവ വഴി ഈ ഡിവൈസ് വില്‍പ്പനയ്ക്ക് എത്തും.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.