രേഖകളില്ലാതെ അന്തര്‍സംസ്ഥാന സര്‍വിസ് നടത്തിയ ബസുകള്‍ പിടികൂടി
ചേര്‍ത്തല: മോട്ടോര്‍ വാഹന വകുപ്പ് നടത്തിയ പരിശോധനയില്‍ രേഖകളില്ലാതെ അന്തര്‍ സംസ്ഥാന സര്‍വീസ് നടത്തിയ കല്ലട ബസ് ഉള്‍പ്പടെയുള്ള 12 ബസുകള്‍ പിടിച്ചെടുത്തു.
എട്ട് ടൂറിസ്റ്റ് ബസുകളും നാല് അന്തര്‍ സംസ്ഥാന സര്‍വീസ് നടത്തുന്ന ബസുകളുമാണ് പിടികൂടിയത്. ദേശീയപാതയിലൂടെ കെ.എസ്.ആര്‍.ടി.സിക്ക് സമാന്തരമായി ചെന്നൈ, മധുര, ഈറോഡ് എന്നിവിടങ്ങളിലേക്ക് മതിയായ രേഖകളില്ലാതെ സര്‍വീസ് നടത്തിയ ബസുകളാണ് പിടിച്ചെടുത്തത്. പരിശോധനയില്‍ നിയമ ലംഘനത്തിനൊപ്പം നിരോധിത എയര്‍ ഹോണുകള്‍ ബസിലുള്ളതായും കണ്ടെത്തി. ടൂറിസ്റ്റ് ബസുകളില്‍ നിന്ന് വീടുകളില്‍ ഉപയോഗിക്കുന്ന നിറച്ച പാചക വാതക സിലിണ്ടറുകള്‍ കണ്ടെടുത്തു. അപകട സാധ്യതയേറെയുള്ളതാണിതെന്നും ബസുകള്‍ക്കെതിരേ കേസ് രജിസ്റ്റര്‍ ചെയ്തതായും പരിശോധന ഇനിയും തുടരുമെന്നും ജോയിന്റ് ആര്‍.ടി.ഒ കെ. ഹരികൃഷ്ണന്‍ പറഞ്ഞു. എം.വി.ഐ മാരായ ജി. മനോജ്, എന്‍.ടി കിഷോര്‍കുമാര്‍, എ.എം.വി.ഐമാരായ പി.എ സ്റ്റാന്‍ലി, പി.വി അനില്‍കുമാര്‍, ടി.ആര്‍ മധുസൂദനന്‍ എന്നിവരുടെ നേതൃത്വത്തിലാണ് പരിശോധന നടന്നത്.
കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.
Latest News
- കെ.എസ്.ആര്‍.ടി.സി ശമ്പള പ്രതിസന്ധി; ഗതാഗത മന്ത്രിക്കെതിരെ സി.ഐ.ടി.യു
- തൃശൂര് പൂരം വെടിക്കെട്ട് ഇന്ന് ഉച്ചയ്ക്ക് രണ്ടിന് മുന്പായി നടത്തും
- ജമ്മു കശ്മിരില് നിര്മാണത്തിലിരുന്ന തുരങ്കം തകര്ന്നു; 10 തൊഴിലാളികള് കുടുങ്ങിക്കിടക്കുന്നു
- ‘എപ്പോഴും അദാനിയേയും അംബാനിയേയും അധിക്ഷേപിക്കാനാകില്ല’: കോണ്ഗ്രസിനെതിരെ ഹര്ദിക് പട്ടേല്
- റോഡിലെ തര്ക്കത്തില് ഒരാള് മരിച്ച കേസ്: നവജ്യോത് സിങ് സിദ്ദു ഇന്ന് കോടതിയില് കീഴടങ്ങും
