Gallery
രാഹുല്‍ ഗാന്ധിയുടെ കട്ടില്‍ യാത്ര
കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി ഇന്നൊരു യാത്ര തുടങ്ങിയിരിക്കുകയാണ്. ഉത്തര്‍പ്രദേശിലെ തെരഞ്ഞെടുപ്പ് ലക്ഷ്യമിട്ടുള്ള യാത്ര. ഇതുവരെയുള്ള യാത്രയില്‍ നിന്ന് വ്യത്യസ്തമായ എന്തൊക്കെയോ പുതിയ യാത്രയിലുണ്ട്. യാത്രയുടെ പിന്നിലെ നീക്കങ്ങള്‍ ആരുടേതാണെന്നു നോക്കിയാല്‍ അതു വ്യക്തമാകും.
-
- മോദിക്കെതിരെയും യു.പി സര്‍ക്കാരിനെതിരെയും വിമര്‍ശന ശരങ്ങളുമായാണ് രാഹുലിന്റെ ഓരോ സ്വീകരണ കേന്ദ്രങ്ങളിലെ പ്രസംഗങ്ങളും. കര്‍ഷകര്‍ക്കു നല്‍കിയ വാഗ്ദാനങ്ങള്‍ അധികാരത്തിലെത്തിയ ശേഷം ഓര്‍മ്മയിലില്ലെന്ന കാര്യവും രാഹുല്‍ ഉയര്‍ത്തിക്കാട്ടുന്നുണ്ട്.
-
- ഭക്ഷണ സമയമാണെങ്കില്‍ കട്ടിലുകളില്‍ തന്നെ ഭക്ഷണമെത്തും. വെള്ളക്കുപ്പിയും കട്ടിലുകളില്‍ യഥേഷ്ടം എത്തുന്നുണ്ട്. ഇടയ്ക്ക് മധുരവിതരണവും നടത്തുന്നുണ്ട്.
-
- സമ്മേളനത്തിനെത്തിയവരില്‍ പലരും കട്ടിലുകള്‍ വീട്ടില്‍ കൊണ്ടുപോകും. അടുത്ത സ്വീകരണ കേന്ദ്രത്തില്‍ വേറെ കട്ടിലുകളാണ് സജ്ജീകരിക്കുക. ചില ഇരുമ്പു കട്ടിലുകള്‍ മാത്രം ഭാരമുള്ളതിനാല്‍ ഗ്രൗണ്ടില്‍ തന്നെ ബാക്കിയാവും.
-
- 2014 ല്‍ നരേന്ദ്ര മോദിക്കും പിന്നീട് ബിഹാറില്‍ നിതീഷ് കുമാറിനും നൂറുമേനി വിജയം നേടിക്കൊടുത്ത പ്രശാന്ത് കിഷോറിന്റെ കരുനീക്കങ്ങളാണ് ഈ യാത്രയുടെ പ്രത്യേകത.
-
- 2500 കിലോമീറ്റര്‍ യാത്രയാണ് രാഹുല്‍ പദ്ധതിയിട്ടിരിക്കുന്നത്. പൊതുസമ്മേളനം വിളിച്ചുകൂട്ടി പ്രസംഗിച്ചു പോകുന്ന പതിവുരീതിയുലുള്ള യാത്രയല്ല ഇത്. പകരം ഗ്രാമ നിവാസികളുമായി പരമാവധി സംവദിക്കാനാവുന്ന വിധത്തിലാണ് ഓരോയിടത്തെ സ്വീകരണവും ഒരുക്കിയിരിക്കുന്നത്.
-
- കട്ടിലുകള്‍ക്ക് യാത്രയില്‍ പ്രധാന പങ്കുണ്ട്. ഓരോ ഗ്രാമത്തിലെയും മൈാതാനത്ത് ചുറ്റും കട്ടിലുകളിട്ട് ഗ്രാമവാസികളെ ഇരുത്തി രാഹുല്‍ ഗാന്ധി അവരെ കാണാനെത്തും.
-
- ഖാട്ട് സഭ (കട്ടില്‍ സഭ) എന്നു തന്നെയാണ് കട്ടിലുകള്‍ കൂട്ടിയിട്ടു നടത്തുന്ന കൂടിക്കാഴ്ചയ്ക്ക് പേരിട്ടിരിക്കുന്നത്. മോദിക്കു വേണ്ടി ചായ്‌പേയ് ചര്‍ച്ച സംഘടിപ്പിച്ചതിനു സമാനമായാണിത്. കിസാന്‍ യാത്രയെന്നാണ് മൊത്തത്തിലുള്ള യാത്രയ്ക്ക് പേരിട്ടിരിക്കുന്നത്.
-
- കോണ്‍ഗ്രസ് കമ്മിറ്റിയാണ് സമ്മേളന സ്ഥലത്ത് കട്ടിലുകള്‍ എത്തിക്കുന്നത്. മരവും കയറുകളും ഉപയോഗിച്ചുള്ളതാണ് അധിക കട്ടിലുകളും. സമ്മേളനം കഴിഞ്ഞാലുടന്‍ കട്ടിലിനു വേണ്ടിയുള്ള തിക്കും തിരക്കുമായിരിക്കും.
കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.
