2021 October 16 Saturday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

രജനികാന്തുമായി സഖ്യത്തിന് തയാറെന്ന് എ.ഐ.എ.ഡി.എം.കെ

ചെന്നൈ: തമിഴ് സൂപ്പര്‍സ്റ്റാര്‍ രജനികാന്ത് സ്വന്തമായി രാഷ്ട്രീയ പാര്‍ട്ടിയുണ്ടാക്കുമെന്നു പ്രഖ്യാപിച്ചതോടെ, സഖ്യസാധ്യത ആരാഞ്ഞ് പ്രമുഖ കക്ഷികള്‍. രജനികാന്തിന്റെ പാര്‍ട്ടിയുമായി സഖ്യം രൂപീകരിക്കാന്‍ താല്‍പര്യമുണ്ടെന്ന സൂചനയുമായി ഭരണകക്ഷിയായ എ.ഐ.എ.ഡി.എം.കെ രംഗത്തെത്തി. പാര്‍ട്ടി നേതാവും ഉപമുഖ്യമന്ത്രിയുമായ ഒ. പന്നീര്‍ശെല്‍വമാണ് രജനിയുടെ പാര്‍ട്ടിയുമായി സഖ്യമുണ്ടാക്കുന്നതില്‍ സന്തോഷമേയുള്ളൂവെന്ന പ്രസ്താവനയുമായി രംഗത്തെത്തിയത്. രജനിയുമായി സഖ്യത്തിനു തന്റെ പാര്‍ട്ടി ശ്രമിക്കുമെന്ന വെളിപ്പെടുത്തലുമായി കമല്‍ഹാസനും രംഗത്തെത്തിയിട്ടുണ്ട്.
കാലങ്ങളായുള്ള അഭ്യൂഹങ്ങള്‍ക്കു വിരാമം കുറിച്ച്, താന്‍ പാര്‍ട്ടി രൂപീകരിക്കുന്നതായി കഴിഞ്ഞ ദിവസമാണ് രജനികാന്ത് വ്യക്തമാക്കിയിരുന്നത്.
ഈ മാസം 31ന് പാര്‍ട്ടിയുടെ പേര് പ്രഖ്യാപിക്കുമെന്നും രാഷ്ട്രീയ തീരുമാനങ്ങള്‍ പിന്നാലെ അറിയിക്കുമെന്നും അദ്ദേഹം വ്യക്തമാക്കിയതിനു പിന്നാലെയാണ് പന്നീര്‍ശെല്‍വത്തിന്റെ പ്രസ്താവന. രജനികാന്ത് പുതിയ പാര്‍ട്ടി രൂപീകരിക്കുന്നത് കൂടുതല്‍ ബാധിക്കുക എ.ഐ.എ.ഡി.എം.കെയെയായിരിക്കുമെന്നാണ് വിവരം.
അമിത് ഷാ അടക്കമുള്ള ബി.ജെ.പിയുടെ പ്രമുഖ നേതാക്കള്‍ നേരത്തേതന്നെ രജനികാന്തുമായി കൂടിക്കാഴ്ചയ്ക്കു ശ്രമിച്ചിരുന്നെങ്കിലും നടന്നിരുന്നില്ല.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.