2022 May 22 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

യു.എസ് വിസ ഫീ വര്‍ധിപ്പിച്ച നടപടി വിവേചനപരമെന്നു അരുണ്‍ ജയ്റ്റ്‌ലി

വാഷിങ്ടണ്‍: വിസ നിരക്കു വര്‍ധിപ്പിക്കാനുള്ള യു.എസ് തീരുമാനത്തിനെതിരെ കേന്ദ്ര ധനമന്ത്രി അരുണ്‍ ജയ്റ്റ്‌ലി രംഗത്ത്. യു.എസിന്റെ തീരുമാനം വിവേചനപരമെന്നും ഇന്ത്യന്‍ ഐ.ടി പ്രൊഫഷനകളെയാണ് ഇതു കൂടുതലായും ബാധിക്കുകയെന്നും ജയ്റ്റ്‌ലി പറഞ്ഞു.

യു.എസില്‍ ഔദ്യോഗിക സന്ദര്‍ശനം നടത്തുന്ന ജയ്റ്റ്‌ലി യു.എസ് ട്രേഡ് പ്രതിനിധി മിഷേല്‍ ഫ്രോമാനുമായി നടത്തിയ കൂടിക്കാഴ്ചക്കിടെയാണ് വിസ നിരക്കു കൂട്ടിയ നടപടിയില്‍ അതൃപ്തി അറിയിച്ചത്.

എച്ച്-1ബി, എല്‍-1 എന്നീ വിഭാഗത്തിലുള്ള വിസകള്‍ക്ക് 4500 ഡോളര്‍ വരെ പ്രത്യേക ഫീ ഏര്‍പ്പെടുത്താനാണ് യു.എസ് തീരുമാനിച്ചിരിക്കുന്നത്. ഇന്ത്യന്‍ ഐ.ടി കമ്പനികളുടെ ജനപ്രിയ വിസകളാണിത്.

ഐ.എം.എഫ്, ലോക ബാങ്ക് സമ്മേളനങ്ങളില്‍ പങ്കെടുക്കാനാണ് ജയ്റ്റ്‌ലി യു.എസില്‍ എത്തിയത്. ആര്‍.ബി.ഐ ഗവര്‍ണര്‍ രഘുരാം രാജന്‍, സാമ്പത്തിക കാര്യ സെക്രട്ടറി ശക്തികാന്ത ദാസ്, മുഖ്യ സാമ്പത്തിക ഉപദേഷ്ടാവ് അരവിന്ദ് സുബ്രഹ്മണ്യന്‍ എന്നിവരും ജയ്റ്റ്‌ലിയുടെ കൂടെയുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.