2022 January 29 Saturday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

യു.എസ് ഓപണ്‍: തീം ക്വാര്‍ട്ടറില്‍

ന്യൂയോര്‍ക്ക്: യു.എസ് ഓപ്പണ്‍ ഗ്രാന്റ്സ്ലാം പോരാട്ടത്തിന്റെ പുരുഷ സിംഗില്‍സില്‍ ഡൊമിനിക് തീമും ഡാനില്‍ മെദ്‌വേദും ക്വാര്‍ട്ടറില്‍. ഓസ്ട്രിയക്കാരനായ തീം നേരിട്ടുള്ള സെറ്റുകള്‍ക്കാണ് 15ാം സീഡായ കാനഡയുടെ ഫെലിക്‌സ് ഔഗര്‍ അലിസിമിയെ തോല്‍പ്പിച്ചത്. മൂന്നാം റാങ്കുകാരനും രണ്ടാം സീഡുമാ തീമിനെ ആദ്യ സെറ്റില്‍ വിറപ്പിക്കാന്‍ ഔഗറിനായെങ്കിലും പിന്നീടുള്ള രണ്ട് സെറ്റിലും അനായാസം തീം ജയിച്ചുകയറി. 7-6,6-1,6-1 എന്ന സ്‌കോറിനായിരുന്നു ജയം.
അഞ്ചാം റാങ്കുകാരനും മൂന്നാം സീഡുമായ മെദ്‌വേദും ആതിഥേയ താരം ഫ്രാന്‍സ് ടിയാഫോയിയെ നേരിട്ടുള്ള സെറ്റുകള്‍ക്കാണ് തകര്‍ത്തത്. പ്രീ ക്വാര്‍ട്ടറില്‍ എട്ടാം റാങ്കുകാരനും ആറാം സീഡുമായ ഇറ്റലിയുടെ മാറ്റിയോ ബെറീറ്റിനിയെ ഒന്നിനെതിരേ മൂന്ന് സെറ്റുകള്‍ക്ക് തോല്‍പ്പിച്ച് റൂബ്ലിവ് ക്വാര്‍ട്ടറില്‍ പ്രവേശിച്ചു. ആദ്യ സെറ്റ് നഷ്ടപ്പെടുത്തിയ ശേഷമായിരുന്നു റുബ്ലിവിന്റെ തിരിച്ചുവരവ്. സ്‌കോര്‍ 4-6,6-3,6-3,6-3. വനിതാ സിംഗിള്‍സില്‍ ആതിഥേയ താരം സെറീന വില്യംസ് പ്രീ ക്വാര്‍ട്ടറില്‍ പ്രവേശിച്ചു.
എട്ടാം റാങ്കുകാരിയും മൂന്നാം സീഡുമായ സെറീന 22ാം റാങ്കുകാരിയും 15ാം സീഡുമായ ഗ്രീസിന്റെ മരിയ സക്കാരിയയെ ഒന്നിനെതിരേ രണ്ട് സെറ്റുകള്‍ക്ക് തകര്‍ത്താണ് ക്വാര്‍ട്ടറിലേക്ക് മുന്നേറിയത്. ആദ്യ സെറ്റ് 6-3ന് സെറീന സ്വന്തമാക്കിയപ്പോള്‍ രണ്ടാം സെറ്റ് ടൈ ബ്രേക്കറിനൊടുവില്‍ 7-6ന് സക്കാരി സ്വന്തമാക്കി.മൂന്നാം സെറ്റ് 6-3ന് തിരിച്ചുപിടിച്ചാണ് മുന്‍ ലോക ഒന്നാം നമ്പര്‍ താരം ക്വാര്‍ട്ടറില്‍ കടന്നത്. ബെലാറസിന്റെ വിക്ടോറിയ അസറിന്‍കയും ക്വാര്‍ട്ടറില്‍ സീറ്റുറപ്പിച്ചു.
പ്രീ ക്വാര്‍ട്ടറില്‍ ചെക്ക് റിപ്പബ്ലിക്കിന്റെ കരോളിന മുച്ചോവയെയാണ് തോല്‍പ്പിച്ചത്. ഒന്നിനെതിരേ രണ്ട് സെറ്റുകള്‍ക്കാണ് അസറിന്‍കയുടെ ജയം. സ്‌കോര്‍ 5-7,6-1,6-4.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.