മ്യൂണിക്: യുവേഫാ നാഷന്‍സ് ലീഗിലെ സ്‌പെയിനും ജര്‍മനിയും തമ്മിലുള്ള തീ പാറും പോരാട്ടാം സമനിലയില്‍ കലാശിച്ചു. 1-1 എന്ന സ്‌കോറിനാണ് മത്സരം സമനിലയില്‍ കലാശിച്ചത്. 

ഗോളിന് വേ@ണ്ടി തുടക്കം മുതല്‍ തന്നെ ഇരു ടീമുകളും അക്രമിച്ച് കളിച്ചെങ്കിലും ഗോള്‍ കണ്ടെ@ത്താന്‍ കഴിഞ്ഞില്ല. ഇതോടെ ആദ്യ പകുതി ഗോള്‍ രഹിതമായി അവസാനിച്ചു. 51ാം മിനുട്ടില്‍ ജര്‍മനിയുടെ വകയായിരുന്നു ആദ്യ ഗോള്‍. 

തിമോ വെര്‍ണറായിരുന്നു ജര്‍മനിക്ക് വേ@ണ്ടി ആദ്യ ഗോള്‍ നേടിയത്. മത്സരത്തില്‍ സ്‌പെയില്‍ തോല്‍വിയിലേക്ക് നീങ്ങുന്നതിനിടെ എക്‌സട്രാടൈമിന്റെ അവസാന സെക്കന്‍ഡില്‍ ലൂയീസ് ഗയ സ്‌പെയിനിന് വേ@ണ്ടി ഗോള്‍ നേടി സമനില പിടിക്കുകയായിരുന്നു. ലാത്വിയ അന്‍ഡോറ മത്സരം ഗോള്‍രഹിത സമനിലയില്‍ കലാശിച്ചു. 3-2ന് ഫറോ ഐലന്‍ഡ് മാള്‍ട്ടയെ പരാജയപ്പെടുത്തി. ബള്‍ഗേറിയയും അയര്‍ലന്‍ഡും തമ്മിലുള്ള മത്സരം 1-1ന് സമനിലയില്‍ പിരിഞ്ഞു. 

3-1 എന്ന സ്‌കോറിന് റഷ്യ സെര്‍ബിയയെ പരാജയപ്പെടുത്തി. സ്ലോവേനിയ ഗ്രീസ് മത്സരം ഗോള്‍ രഹിത സമനിലയില്‍ കലാശിച്ചു. ഹംങ്കറി എതിരില്ലാത്ത ഒരു ഗോളിന് തുര്‍ക്കിയെ പരാജയപ്പെടുത്തി. എതിരില്ലാത്ത ഒരു ഗോളിന് വെയില്‍സ് ഫിന്‍ലന്‍ഡിനെ പരാജയപ്പെടുത്തിയപ്പോള്‍ 2-1 ന് ഉക്രൈന്‍ സ്വിറ്റ്‌സര്‍ലന്‍ഡിനെ പരാജയപ്പെടുത്തി.