2022 May 29 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

യുവതിയെ ഭര്‍തൃവീട്ടുകാര്‍ പീഡിപ്പിച്ച സംഭവം; കുടുംബശ്രീ കൂട്ടായ്മ മാര്‍ച്ച് നടത്തും

മാവേലിക്കര: ചെട്ടികുളങ്ങര കണ്ണമംഗലം സ്വദേശിയായ യുവതിയ്ക്ക് പത്തിയൂരിലെ ഭര്‍തൃവീട്ടില്‍ നിന്ന് ഏല്‍ക്കേണ്ടി വന്ന ക്രൂരപീഡനത്തില്‍ പ്രതികളെ അറസ്റ്റ് ചെയ്തില്ലായെങ്കില്‍ ശക്തമായ സമരപരിപാടികളുമായി രംഗത്തെത്തുമെന്ന് കണ്ണംമംഗലത്തെ കുടുംബശ്രീ പ്രവര്‍ത്തകരുടെ കൂട്ടായ്മ അറിയിച്ചു.
യുവതിയെ ഭര്‍തൃഗ്രഹത്തില്‍വച്ച് ഭര്‍ത്താവും വീട്ടുകാരും ചേര്‍ന്ന് സ്ത്രീധനത്തിന്റെ പേരില്‍ പട്ടിണിക്കിടുകയും പീഡിപ്പിക്കുകയും ചെയ്തുവരികായായിരുന്നു. സംഭവം അറിഞ്ഞ് അവിടെയെത്തിയ യുവതിയുടെ പിതാവിന്റെ മുന്നില്‍വച്ച് ഭര്‍തൃ പിതാവിന്റെ സഹോദരന്‍ യുവതിയെ ഉപദ്രവിക്കുകയും ചെയ്തു. തുടര്‍ന്ന് വാര്‍ഡ് മെമ്പര്‍ ഉള്‍പ്പടെയുള്ള സംഘം എത്തിയാണ് യുവതിയെ ഭതൃവീട്ടില്‍ നിന്ന് മോചിപ്പിച്ച് ആശുപത്രിയിലേക്ക് മാറ്റിയത്. യുവതിയെ ക്രൂരമായി പീടിപ്പിച്ച യുവതിയുടെ ഭര്‍ത്താവ് പത്തിയൂര്‍ കുന്നത്ത് വീട്ടില്‍ മനുകോശി, ഭര്‍തൃപിതാവ് കോശി, ഭര്‍തൃമാതാവ് ഏലിയാമ്മ, ഭര്‍തൃപിതാവിന്റെ സഹോദരനും മിലട്ടറി ഉദ്യോഗസ്ഥനുമായ ജോണി എന്നിവര്‍ക്കെതിരെയാണ് പൊലിസില്‍ പരാതി നല്‍കിയിരുന്നത്.
പൊലിസ് യുവതിയുടെ രണ്ടര വയസുള്ള മകള്‍ ഉള്‍പ്പടെയുള്ളവരുടെ മൊഴിശേഖരണവും മറ്റും നടത്തിയിരുന്നു. എന്നാല്‍ സംഭവത്തിന് ശേഷം ദിവസങ്ങള്‍ കഴിഞ്ഞിട്ടും തുടര്‍ നടപടികള്‍ ഒന്നും ഉണ്ടായില്ലെന്നാണ് കുടുംബശ്രീ പ്രവര്‍ത്തകരുടെ ആരോപണം. സംഭവത്തില്‍ കക്ഷിരാഷ്ട്രീയ ഭേദമന്യേ പ്രദേശത്തെ മുഴുവന്‍ സ്ത്രീകളെയും അണിനിരത്തി പൊലിസ് സ്‌റ്റേഷന്‍ മാര്‍ച്ച് ഉള്‍പ്പടെയുള്ള പ്രക്ഷോഭങ്ങള്‍ സംഘടിപ്പുക്കുമെന്ന് ഇവര്‍ മാവേലിക്കര മീഡിയസെന്ററില്‍ നടന്ന വാര്‍ത്താ സമ്മേളനത്തില്‍ അറിയിച്ചു. വാര്‍ത്താ സമ്മേളനത്തില്‍ കണ്ണമംഗലം എ.ഡി.എസ് പ്രസിഡന്റ് എല്‍.ബിന്ദു, സെക്രട്ടറി ഉഷ സുരേന്ദ്രന്‍, വൈസ് പ്രസിഡന്റ് എ.രമ, ബിന്ദു രാജേന്ദ്രന്‍, കെ.കനകമ്മ, സനുജ വേലായുധന്‍ എന്നിവര്‍ പങ്കെടുത്തു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.