2022 July 05 Tuesday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

മോട്ടോർ വാഹന വകുപ്പിലും ഇനി വയർലെസ്;

ബാസിത് ഹസൻ
തൊടുപുഴ
ആധുനികവൽക്കരണത്തിന്റെ ഭാഗമായി മോട്ടോർ വാഹന വകുപ്പിൽ വയർലെസ് കമ്മ്യൂണിക്കേഷൻ സംവിധാനം ഏർപ്പെടുത്തുന്നു. ഇതിന്റെ ഭാഗമായി പൊലിസിനും എക്‌സൈസിനും സമാനമായി വിവിധ തസ്തികകൾക്ക് കോഡ് നെയിമും കോൾ സൈനും അനുവദിച്ച് ട്രാൻസ്‌പോർട്ട് കമ്മിഷണർ ഉത്തരവ് പുറപ്പെടുവിച്ചു.
മോട്ടോർ വാഹന വകുപ്പ് ഉദ്യോഗസ്ഥർ വയർലെസ് ഉപയോഗിക്കുമ്പോൾ കോഡ് നെയിം പ്രകാരം സംബോധന ചെയ്യേണ്ടതും സന്ദേശങ്ങൾ കൈമാറേണ്ടതുമാണെന്ന് ട്രാൻസ്‌പോർട്ട് കമ്മിഷണർ ഇൻ ചാർജ് പ്രമോജ് ശങ്കർ പി.എസ് പുറപ്പെടുവിച്ച ഉത്തരവിൽ പറയുന്നു.

സംസ്ഥാനത്ത് പൊലിസിനു മാത്രമാണ് നിലവിൽ വിപുലമായ വയർലസ് സംവിധാനമുള്ളത്. എൻഫോഴ്‌സ്‌മെന്റ് ജോലികൾ കാര്യക്ഷമമായി നിർവഹിക്കാൻ വയർലെസ് സംവിധാനത്തിന്റെ ആവശ്യകത ചൂണ്ടിക്കാട്ടി 2020ൽ മോട്ടോർ വാഹന വകുപ്പ് സർക്കാരിനെ സമീപിച്ചിരുന്നു. തുടർന്ന് നടപടികൾക്കായി 99.98 ലക്ഷം രൂപ സർക്കാർ അനുവദിക്കുകയും ചെയ്തു. പരീക്ഷണാർഥം ഏതാനും എൻഫോഴ്‌സ്‌മെന്റ് ഉദ്യോഗസ്ഥർക്ക് വയർലസ് അനുവദിച്ചിട്ടുണ്ട്. എക്‌സൈസ് വകുപ്പിന്റെ വയർലസ് ടവറാണ് മോട്ടോർ വാഹന വകുപ്പ് പങ്കുവയ്ക്കുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.