2022 May 20 Friday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

മേജര്‍ മനോജ്കുമാറിന്റെ മൃതദേഹം നാട്ടിലെത്തിച്ചു

തിരുവനന്തപുരം: പുല്‍ഗാവ് സൈനിക ആയുധപ്പുര ദുരന്തത്തില്‍ വീരമൃത്യു വരിച്ച മലയാളി മേജര്‍ കെ.മനോജ്കുമാറിന്റെ മൃതദേഹം തിരുവനന്തപുരത്ത് എത്തിച്ചു. ഇന്നലെ വൈകുന്നേരം 4.30-ന് വിമാന മാര്‍ഗം തിരുവനന്തപുരത്ത് എത്തിച്ച മൃതദേഹത്തില്‍ സംസ്ഥാന സര്‍ക്കാരിനെ പ്രധിനിധികരിച്ച് വൈദ്യുതി വകുപ്പ് മന്ത്രി  കടകംപള്ളി സുരേന്ദ്രന്‍, എ.ഡി.എം, പാങ്ങോട് സൈനിക കേന്ദ്ര മേധാവി ബ്രിഗേഡിയര്‍ എം.എ.ജെ ഫെര്‍നാണ്ടസ്, സ്റ്റേഷന്‍ സ്റ്റാഫ് ഓഫിസര്‍ ലെഫ്.കേണല്‍ ഐസക്ക് തടത്തില്‍, പൊലിസ് കമ്മിഷണര്‍ സ്പര്‍ജന്‍കുമാര്‍, എ.ഡി.എം, എയര്‍പോര്‍ട്ട് ഡയറക്ടര്‍ ജോര്‍ജ് തരകന്‍, മറ്റ് സൈനിക ഉദ്യോഗസ്ഥര്‍ തുടങ്ങിയവര്‍ പുഷ്പചക്രം സമര്‍പ്പിച്ചു. ഡൊമസ്റ്റിക് ടെര്‍മിനലിനടുത്തുള്ള ‘ശ്രദ്ധാഞ്ജലിസ്ഥാനില്‍’ സൈനിക ബഹുമതികള്‍ അര്‍പ്പിച്ച ശേഷം മൃതദേഹം മിലിട്ടറി ആശുപത്രിയിലേക്ക് കൊണ്ടുപോയി.   
മേജര്‍ കെ.മനോജ്കുമാറിന്റെ ഭാര്യ ബീന, മകന്‍ വേദാന്ദ്, അമ്മ, സഹോദരി, സഹോദരന്‍ തുടങ്ങിയവരും മൃതദേഹം എറ്റുവാങ്ങാന്‍ എത്തിയിരുന്നു.  ഇന്നലെ മിലിട്ടറി ആശുപത്രിയില്‍ സൂക്ഷിച്ച മൃതദേഹം ഇന്ന് രാവിലെ എട്ട് മണി മുതല്‍ 10 മണി വരെ വേട്ടമുക്കിലെ വസതിയില്‍ പൊതുദര്‍ശനത്തിന് വയ്ക്കും.  അതിന് ശേഷം രാവിലെ 10:30-ന് തൈക്കാട് ശാന്തികവാടത്തില്‍ പൂര്‍ണ സൈനിക ബഹുമതികളോടെ സംസ്‌കരിക്കും.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.