2022 September 29 Thursday
ലോകത്തില്‍ മാറ്റങ്ങള്‍ വരണമെന്ന് ഏവരും ആഗ്രഹിക്കുന്നു. എന്നാല്‍ സ്വയം മാറ്റത്തിനു വിധേയനവാന്‍ ആരും തയ്യാറല്ല താനും. ലിയോ ടോള്‍സ്റ്റോയ്

മുസഫര്‍ നഗര്‍ ജയിലില്‍ കലാപം: നിരവധി തടവുകാര്‍ക്ക് പരുക്ക്

മുസഫര്‍നഗര്‍: മുസഫര്‍ നഗറിലെ ജയിലില്‍ കലാപത്തില്‍ നിരവധി പേര്‍ക്ക് പരുക്കേറ്റു. ശനിയാഴ്ച പുലര്‍ച്ചെയോടെയാണ് തടവുകാര്‍ തമ്മില്‍ ഏറ്റുമുട്ടലുണ്ടായത്.

ഗുരുതരമായി പരുക്കേറ്റ മൂന്നുപേര്‍ തീവ്രപരിചരണ വിഭാഗത്തിലാണ്.
നിലവില്‍ സ്ഥിതിഗതികള്‍ നിയന്ത്രണാധീനമാണെന്നും കൂടുതല്‍ സുരക്ഷാ ഉദ്യോഗസ്ഥരെ ജയിലിനുള്ളില്‍ നിയോഗിച്ചതായും അധികൃതര്‍ അറിയിച്ചു.
തടവുകാരും അധോലോക ഗുണ്ടകളുമായ ഗയ്യൂറിന്റെയും ഷാരൂഖിന്റെയും അനുയായികള്‍ തമ്മില്‍ വാഗ്വാദം ഉണ്ടാവുകയും ഇരുചേരിയായി തിരിഞ്ഞുള്ള ഏറ്റുമുട്ടലില്‍ കലാശിക്കുകയുമായിരുന്നെന്ന് പൊലിസ് പറഞ്ഞു. അക്രമികള്‍ ഷേവിംഗ് റേസറും വടികളും ഉപയോഗിച്ചായിരുന്നു ഏറ്റുമുട്ടല്‍. പ്രശ്‌നത്തില്‍ ഇടപെടാന്‍ ശ്രമിച്ച ജയില്‍ ഗാര്‍ഡുമാരെ തടവുകാര്‍ അടിച്ചോടിച്ചു.
കഴിഞ്ഞ രണ്ടുമാസത്തിനിടെ സംസ്ഥാനത്തെ നാലു ജയിലുകളില്‍ ഇത്തരത്തില്‍ കലാപം ഉണ്ടായി.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.