ജയ്‌സലിന് മന്ത്രി ടി.പി രാമകൃഷ്ണന്‍ കാര്‍ കൈമാറുന്നു
മുതുക് ചവിട്ടുപടിയാക്കിയ ജയ്‌സലിനു സമ്മാനമായി മഹേന്ദ്ര നല്‍കിയത്
കോഴിക്കോട്: പ്രളയത്തിനിടെ പ്രായമേറിയ സ്ത്രീകളെയടക്കം ബോട്ടില്‍ കയറ്റാന്‍ മുതുക് ചവിട്ടുപടിയാക്കിയ മത്സ്യത്തൊഴിലാളി ജയ്്‌സലിനു ലഭിച്ചത് മഹീന്ദ്രയുടെ പുതുപുത്തന്‍ കാര്‍. മഹീന്ദ്രയും വിതരണക്കാരായ ഇറാം മോട്ടോഴ്‌സും ചേര്‍ന്നാണ് കാര്‍ ജയ്‌സലിന് സമ്മാനമായി നല്‍കിയത്.
മഹീന്ദ്ര കഴിഞ്ഞ ദിവസം മാത്രം പുറത്തിറക്കിയ മറാസോ കാറാണ് ഇന്നലെ കോഴിക്കോട്ട് നടന്ന ചടങ്ങില്‍ എക്‌സൈസ് തൊഴില്‍ വകുപ്പ് മന്ത്രി ടി.പി രാമകൃഷ്ണന്‍ ജയ്‌സലിന് കൈമാറിയത്. ജയ്‌സലിന് കാര്‍ നല്‍കികൊണ്ട് മറാസോയുടെ വിപണനോദ്ഘാടനം നിര്‍വഹിക്കാന്‍ വാഹന നിര്‍മാതാക്കളായ മഹീന്ദ്രയും വിതരണക്കാരായ ഇറോം മോട്ടോഴ്‌സും തീരുമാനിക്കുകയായിരുന്നു.
കാര്‍ സമ്മാനമായി ലഭിച്ചതില്‍ സന്തോഷം പ്രകടിപ്പിച്ച ജയ്‌സല്‍ വാഹനം രക്ഷാപ്രവര്‍ത്തനങ്ങള്‍ക്ക് പോകാന്‍ ഉപയോഗിക്കുമെന്ന് പറഞ്ഞു.
ജില്ലാ കലക്ടര്‍ യു.വി ജോസ്, മേയര്‍ തോട്ടത്തില്‍ രവീന്ദ്രന്‍, ഇറാം ഗ്രൂപ്പ് ചെയര്‍മാനും മാനേജിങ് ഡയരക്ടരുമായ സിദ്ദീഖ് അഹമ്മദ്, എ. പ്രദീപ്കുമാര്‍ എം.എല്‍.എ, എന്‍.സി അബൂബക്കര്‍ എന്നിവര്‍ പങ്കെടുത്തു.
കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.
Latest News
- കൊച്ചിയിലെ ഫ്ലാറ്റില് മലപ്പുറം സ്വദേശി കൊലപ്പെട്ട നിലയില്
- രാജ്യത്ത് ക്രിസ്ത്യാനികളെ ലക്ഷ്യമിട്ടുള്ള ആക്രമണങ്ങളില്ലെന്ന് കേന്ദ്രം സുപ്രിംകോടതിയില്
- ‘തന്നെ മാത്രം ഇരുട്ടില് നിര്ത്തുന്നു, കണ്ണൂര് സര്വകലാശാലയില് ഗുരുതര ക്രമക്കേടുകളുണ്ടെന്ന് ഗവര്ണര്
- സോളാര് പീഡന കേസ്:കെ.സി വേണുഗോപാലിനെ സി.ബി.ഐ ചോദ്യം ചെയ്തു
- സ്വാതന്ത്ര്യദിന പരിപാടിയില് സവര്ക്കറെ ഉള്പ്പെടുത്താന് ശ്രമം; വിവാദം
