മുംബൈ ഇന്ത്യന്‍സ് പരിശീലനം ആരംഭിച്ചു
അബൂദബി: ഇന്ത്യന്‍ പ്രീമിയര്‍ ലീഗിന്റെ 13ാം സീസണിന് മുന്നോടിയായി മുംബൈ ഇന്ത്യന്‍സ് യു.എ.ഇയില്‍ പരിശീലനം ആരംഭിച്ചു. ഏഴ് ദിവസത്തെ ക്വാറന്റൈന്‍ വിജയകരമായി പൂര്‍ത്തീകരിച്ചതിന് പിന്നാലെയാണ് മുംബൈ താരങ്ങള്‍ നെറ്റ്‌സില്‍ പരിശീലനം ആരംഭിച്ചത്. യു.എ.ഇയില്‍ കനത്ത ചൂടായതിനാല്‍ വൈകുന്നേരമാണ് താരങ്ങള്‍ പരിശീലനം നടത്തുന്നത്. മുംബൈ നായകന്‍ രോഹിത് ശര്‍മ, പേസര്‍ ജസ്പ്രീത് ബൂംറ ഉള്‍പ്പെടെ പ്രമുഖ താരങ്ങളെല്ലാം പരിശീലനത്തിനിറങ്ങിയിട്ടുണ്ട്. കൊവിഡിനെ തുടര്‍ന്ന് അഞ്ച് മാസമായി താരങ്ങളെല്ലാം വീടുകളിലായിരുന്നു.
മുഖ്യ പരിശീലകന്‍ മഹേല ജയവര്‍ധന,ബൗളിങ് കോച്ച് സഹീര്‍ ഖാന്‍ തുടങ്ങിയവരുടെ നേതൃത്വത്തിലാണ് പരിശീലനം. ശക്തമായ താരനിരയാണ് ഇത്തവണയും ടീമിനൊപ്പമുള്ളത്. ടീമിന്റെ പേസര്‍മാരിലൊരാളായ ലസിത് മലിംഗയ്ക്ക് ഈ സീസണിലെ പകുതിയിലധികം മത്സരങ്ങള്‍ നഷ്ടമാകുമെന്നാണ് റിപ്പോര്‍ട്ട്. ജസ്പ്രീത് ബൂംറ, ട്രന്റ് ബോള്‍ട്ട്, മിച്ചല്‍ മഗ്ലെങ്ങന്‍, ധവാല്‍ കുല്‍ക്കര്‍ണി, നഥാന്‍ കോള്‍ട്ടര്‍നെയ്ല്‍ തുടങ്ങിയ മികച്ച പേസ് നിര ഇത്തവണ മുംബൈയ്‌ക്കൊപ്പമുണ്ട്.
കരീബിയന്‍ പ്രീമിയര്‍ ലീഗില്‍ കളിക്കുന്ന കീറോണ്‍ പൊള്ളാര്‍ഡ് മുംബൈ ഇന്ത്യന്‍സ് ടീമിനൊപ്പമെത്താന്‍ വൈകും.ഇതിനിടെ സി.എസ്.കെ ക്യാംപില്‍ കൊവിഡ് വ്യാപനം തുടരുന്നത് കൂടുതല്‍ ആശങ്ക സൃഷ്ടിക്കുന്നു. ഇതിനോടകം 13ന് മുകളില്‍ താരങ്ങള്‍ക്ക് കൊവിഡ് സ്ഥിരീകരിച്ചിട്ടുണ്ട്. അതിനാല്‍ സി.എസ്.കെ താരങ്ങള്‍ പരിശീലനം ആരംഭിക്കാന്‍ ഇനിയും വൈകും. സി.എസ്.കെ താരങ്ങള്‍ക്ക് കൊവിഡ് സ്ഥിരീകരിച്ചതിനാല്‍ ഐ.പി.എല്‍ ഷെഡ്യൂളും വൈകുമെന്നാണ് വിവരം.
കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.
Latest News
- തൃശൂര് പൂരം വെടിക്കെട്ട് ഇന്ന് ഉച്ചയ്ക്ക് രണ്ടിന് മുന്പായി നടത്തും
- ജമ്മു കശ്മിരില് നിര്മാണത്തിലിരുന്ന തുരങ്കം തകര്ന്നു; 10 തൊഴിലാളികള് കുടുങ്ങിക്കിടക്കുന്നു
- ‘എപ്പോഴും അദാനിയേയും അംബാനിയേയും അധിക്ഷേപിക്കാനാകില്ല’: കോണ്ഗ്രസിനെതിരെ ഹര്ദിക് പട്ടേല്
- റോഡിലെ തര്ക്കത്തില് ഒരാള് മരിച്ച കേസ്: നവജ്യോത് സിങ് സിദ്ദു ഇന്ന് കോടതിയില് കീഴടങ്ങും
- സ്വര്ണ വിലയില് തുടര്ച്ചയായ രണ്ടാം ദിവസവും വര്ധന
