2022 November 30 Wednesday
ലോകത്തില്‍ മാറ്റങ്ങള്‍ വരണമെന്ന് ഏവരും ആഗ്രഹിക്കുന്നു. എന്നാല്‍ സ്വയം മാറ്റത്തിനു വിധേയനവാന്‍ ആരും തയ്യാറല്ല താനും. ലിയോ ടോള്‍സ്റ്റോയ്

മലയാളി ജവാന്‍ ആത്മഹത്യ ചെയ്തതെന്ന് സൈന്യത്തിന്റെ വിശദീകരണം; അല്ലെന്ന് കുടുംബം

മുംബൈ: മോശം തൊഴില്‍ സാഹചര്യം സംബന്ധിച്ച വീഡിയോ പുറത്തുവിട്ട ശേഷം മരിച്ച നിലയില്‍ കണ്ടെത്തിയ മലയാളി ജവാന്‍ റോയ് മാത്യൂ ആത്മഹത്യ ചെയ്തതാണെന്ന വിശദീകരണവുമായി കരസേനാ വൃത്തങ്ങള്‍. വീഡിയോ പുറത്തുവിട്ട ശേഷം ചോദ്യം ചെയ്തുവെന്ന വാര്‍ത്തയും സൈന്യം നിഷേധിച്ചു. ശനിയാഴ്ച കാണാതായ ജവാനെ തൂങ്ങിമരിച്ച നിലയില്‍ കണ്ടെത്തുകയായിരുന്നുവെന്ന് സൈനിക റിപ്പോര്‍ട്ടില്‍ പറയുന്നു. ഇദ്ദേഹത്തിന് മാനസിക വിഷമങ്ങളുണ്ടായിരുന്നുവെന്നും കരസേന പറയുന്നു.

എന്നാല്‍ റോയ് മാത്യു ആത്മഹത്യ ചെയ്‌തെന്ന റിപ്പോര്‍ട്ട് അംഗീകരിക്കാന്‍ വീട്ടുകാര്‍ തയ്യാറായിട്ടില്ല. മരണത്തില്‍ ദുരൂഹതയുണ്ടെന്നും അന്വേഷണം വേണമെന്നും സഹോദരന്‍ ജിജോ ജോസ് ആവശ്യപ്പെട്ടു. വാര്‍ത്ത കേട്ടപ്പോള്‍ തങ്ങള്‍ ഞെട്ടിയെന്നും അദ്ദേഹത്തിന്റെ ഡയറി പൊലിസിന്റെ കസ്റ്റഡിയിലാണെന്നും ജിജോ പറഞ്ഞു.

ഒരു പ്രാദേശിക മാധ്യമം നടത്തിയ സ്റ്റിങ് ഓപ്പറേഷനിലാണ് റോയ് തൊഴില്‍ പ്രശ്‌നങ്ങള്‍ വിശദീകരിച്ചത്. എന്നാല്‍ വീഡിയോ പകര്‍ത്തുന്നുണ്ടെന്ന് താന്‍ അറിഞ്ഞിട്ടില്ലെന്നും ടി.വിയിലൊക്കെ വാര്‍ത്ത വന്നുവെന്നും തന്റെ ജോലി നഷ്ടപ്പെടുമെന്നും റോയ് ഭാര്യ ഫിനിയോടു വിളിച്ചു പറഞ്ഞിരുന്നു.

കൊല്ലം പവിത്രേശ്വരം കാരുവേലില്‍ ചെറുകുളത്തു റോയ് മാത്യുവിന്റെ മൃതദേഹമാണ് ക്യാംപിലെ പഴയ കെട്ടിടത്തില്‍ നിന്നു കണ്ടെത്തിയത്.


 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.