മറയൂരില്‍ മൊബൈല്‍ ഷോപ്പ് കുത്തിത്തുറന്ന് മുഴുവന്‍ ഫോണുകളും കവര്‍ന്നു
മറയൂര്‍: മറയൂര്‍ ടൗണിലെ മൊബൈല്‍ ഷോപ്പ് കൂത്തി തുറന്ന് മുഴുവന്‍ മൊബൈല്‍ ഫോണുകളും കവര്‍ച്ച ചെയ്തു. ഇടുക്കി ജില്ലാ സഹകരണ ബാങ്ക് മറയൂര്‍ ശാഖക്ക് എതിര്‍ വശത്തുള്ള മൊബൈല്‍ വേള്‍ഡ് എന്ന സ്ഥാപനത്തില്‍ നിന്നാണ് ലാപ്പ് ടോപ്പ് അടക്കം മോഷണം പോയത്.
മറയൂര്‍ കരിമുട്ടി കാര്‍ത്തിക ഭവത്തില്‍ പ്രകാശിന്റെ സ്ഥാപനമാണ് കവര്‍ച്ച ചെയ്തത്.ചൊവ്വാഴ്ച്ച രാത്രി ഒരുമണിയോടെയാണ് കവര്‍ച്ച നടന്നതെന്ന് സമീപത്തുള്ള വ്യാപാരസ്ഥാപനങ്ങളിലെ സി.സി.ടി.വി യില്‍ പതിഞ്ഞ വ്യക്തതയില്ലാത്ത ദൃശ്യങ്ങളില്‍ നിന്നും വിവരം ലഭിച്ചു.
മറ്റ് പ്രദേശങ്ങളില്‍ നിന്നൂം വ്യത്യസ്ഥമായി ഞായാറാഴ്ച്ച ചന്ത ദിവസവും ബുധനാഴ്ച്ച അവധിയുമാണ് മറയൂര്‍, കാന്തല്ലൂര്‍ മേഖലകളില്‍. ബുധനാഴ്ച്ച ക്ഷേത്രദര്‍ശനത്തിനായി പ്രകാശ് ടൗണ്‍ വഴി കടന്ന് പോയപ്പോള്‍ സ്ഥാപനത്തിന്റെ പൂട്ടുകള്‍ കാണാതായതിനെ തുടര്‍ന്ന് മോഷണം നടന്നതായി മനസ്സിലാക്കി 200 മീറ്റര്‍ മാത്രം അകലത്തിലുള്ള പൊലിസ് സ്റ്റേഷനില്‍ അറിയിക്കുകയായിരുന്നു.
പൊലിസിന്റെ സാന്നിധ്യത്തില്‍ കട തുറന്ന് നോക്കിയപ്പോള്‍ മുഴുവന്‍ മൊബൈല്‍ ഫോണുകളും, ചാര്‍ജ്ജറുകള്‍, മെമ്മറി കാര്‍ഡുകള്‍, പവര്‍ ബാങ്ക് ഉള്‍പ്പെടെ മുഴുവന്‍ സാധനങ്ങളും മോഷ്ടിക്കപ്പെട്ടതായി ബോധ്യമായി. മറയൂര്‍ ഇന്‍സ്‌പെക്ടര്‍ ഓഫ് പൊലിസ് വി.ആര്‍. ജഗദീഷിന്റെ നേതൃത്വത്തില്‍ പൊലിസ് സംഘം അന്വേഷണം ആരംഭിച്ചു.
കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.
Latest News
- അട്ടപ്പാടിയിലെ മധുവിന്റെ അമ്മ മല്ലിയെ ഭീഷണിപ്പെടുത്തിയ ഷിഫാന് ജാമ്യമില്ല
- ജമ്മു കശ്മീരില് വീണ്ടും ഭീകരാക്രമണം; ആക്രമണത്തില് ഒരു ജവാന് പരുക്ക്
- മനോരമയുടെ കൊലപാതകം: തെളിവെടുപ്പില് കൊലപ്പെടുത്താന് ഉപയോഗിച്ച കത്തി കണ്ടെടുത്തു, പ്രതിക്കുനേരെ നാട്ടുകാരുടെ രോഷപ്രകടനം
- ‘ഓണ്ലൈന് മാത്രം പോരാ, മന്ത്രിമാര് കൂടുതല് സജീവമാകണം’ സര്ക്കാരിന് പാര്ട്ടിയുടെ മാര്ഗ നിര്ദേശം
- ഫേസ്ബുക്ക് കുറിപ്പില് പാക് അധീന കശ്മീരിനെ ആസാദ് കശ്മീരെന്ന് വിശേഷിപ്പിച്ച് കെ.ടി ജലീല്
