2022 January 29 Saturday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

മരിയയും രുഗ്മയും അഞ്ജുബോബി സ്‌പോര്‍ട്‌സ് ഫൗണ്ടേഷനിലേക്ക്

തേഞ്ഞിപ്പലം : ദേശീയ ജൂനിയര്‍ താരങ്ങളായ കേരളത്തിന്റെ മരിയ ജയ്‌സണും രുഗ്മ ഉദയനും പരിശീലനത്തിനായി ഇതിഹാസങ്ങളുടെ കീഴിലേക്ക്. ഒളിംപിക്‌സ് സ്വപ്നങ്ങളിലേക്ക് ചിറകു വിടര്‍ത്തി പറക്കാന്‍ ലക്ഷ്യമിട്ട് ഇരുവരും അഞ്ജുബോബി സ്‌പോര്‍ട്‌സ് ഫൗണ്ടേഷനില്‍ പ്രവേശനം നേടി. ലോക ജംപിങ് പിറ്റിലെ ഇതിഹാസങ്ങളായ മൈക്കല്‍ പവലിന്റെയും മൈക്ക് കേണ്‍ലേയുടെയും ശിക്ഷണത്തിലേക്കാണ് ഇരുവരും അഞ്ജുബോബി സ്‌പോര്‍ട്‌സ് ഫൗണ്ടേഷനിലൂടെ എത്തുന്നത്. പോള്‍വോള്‍ട്ട് ഉപേക്ഷിച്ചാണ് മരിയ ലോംങ്ജംപിലേക്ക് വഴിമാറുന്നത്. 

അഞ്ചു വര്‍ഷക്കാലമായി ദേശീയ സംസ്ഥാന സ്‌കൂള്‍ മീറ്റുകളിലും ദേശീയ ജൂനിയര്‍ മീറ്റുകളിലും എതിരാളികളില്ലാതെയാണ് ഉയരങ്ങളുടെ ക്രോസ്ബാറുകള്‍ മരിയ ജയ്‌സണ്‍ താണ്ടിയത്.
രുഗ്മ ഉദയനാവട്ടെ ദേശീയ സ്‌കൂള്‍ മീറ്റിലെ സ്വര്‍ണ ജേതാവാണ്. മികച്ച പരിശീലനവും ഉന്നത പഠനത്തിനുള്ള സൗകര്യങ്ങളും അഞ്ജുബോബി സ്‌പോര്‍ട്‌സ് ഫൗണ്ടേഷനില്‍ നിന്നും ലഭിക്കുമെന്ന ഉറപ്പ് ലഭിച്ചതോടെയാണ് ഇരുവരും കേരളം വിടാന്‍ തീരുമാനിച്ചത്. പ്ലസ് ടു പരീക്ഷയില്‍ മികച്ച വിജയം നേടിയ ഇരുവര്‍ക്കും ബംഗളൂരുവിലെ ജെയിന്‍ കോളജിലാണ് ഉന്നത പഠനത്തിന് പ്രവേശനം ഒരുക്കിയിട്ടുള്ളത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.