2021 January 22 Friday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

മനസാണ് ജീവിത വിജയം നിര്‍ണയിക്കുന്നത്: കെ. ജയകുമാര്‍

കോഴിക്കോട്: ജീവിതത്തിലെ ജയപരാജയങ്ങള്‍ നിര്‍ണയിക്കുന്നത് മനസാണെന്നും പരാജിതനാകരുതെന്ന ഉറച്ച ബോധമാണ് ഒരാളെ വിജയിയാക്കുന്നതെന്നും മലയാള സര്‍വകലാശാല വൈസ് ചാന്‍സലര്‍ കെ. ജയകുമാര്‍.
പൂര്‍ണ പബ്ലിക്കേഷന്‍സ് ഉടമ എന്‍.ഇ ബാലകൃഷ്ണമാരാരുടെ ശതാഭിഷേക ആഘോഷം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പരാജിതനാകരുതെന്ന ഉറച്ചബോധത്തോടെ മുന്നോട്ടു നീങ്ങിയതുകൊണ്ടാണ് എന്‍.ഇ ബാലകൃഷ്ണമാരാര്‍ക്ക് ഇന്നു കാണുന്ന ഉയരത്തില്‍ എത്താനായത്. അദ്ദേഹത്തിന്റെ ജീവിതം പഠനവിധേയമാക്കേണ്ടതാണ്. വരുന്ന തലമുറകള്‍ ആ ജീവിതത്തില്‍ നിന്ന് മൂല്യമുള്‍ക്കൊള്ളണമെന്നും കെ. ജയകുമാര്‍ കൂട്ടിച്ചേര്‍ത്തു.
ടാഗോര്‍ സെന്റിനറി ഹാളില്‍ നടന്ന ചടങ്ങില്‍ മേയര്‍ തോട്ടത്തില്‍ രവീന്ദ്രന്‍ അധ്യക്ഷനായി. കൃഷ്ണദാസ് വത്സന്‍, ഫാ. ജോര്‍ജ് തോമസ് ചേലക്കല്‍, എന്‍.ഇ രാജ സുബ്രഹ്മണ്യന്‍, എന്‍.ഇ ബാലകൃഷ്ണമാരാരുടെ ഭാര്യ സരോജം, ഡോ. അനിതാ സേതുമാധവന്‍, ഡോ. ടി. സേതുമാധവന്‍ സംസാരിച്ചു. എന്‍.ഇ മനോഹര്‍ സ്വാഗതവും പ്രിയ മനോഹര്‍ നന്ദിയും പറഞ്ഞു.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.