2021 July 28 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ബിഎംഡബ്ല്യു 3 സീരിസ് ഗ്രാന്‍ ടൂറിസ്‌മോ വിപണിയില്‍

കൊച്ചി : ബിഎംഡബ്ല്യു 3 സീരീസ് ഗ്രാന്‍ ടുറിസ്‌മോ വിപണിയിലെത്തി. ചെന്നൈ പ്ലാന്റില്‍ നിര്‍മ്മിച്ച ഗ്രാന്‍ ടുറിസ്‌മോ ഡീസല്‍, പെട്രോള്‍ പതിപ്പുകളില്‍ ലഭിക്കും.

 

പുതിയ ബിഎംഡബ്ല്യു 3 സീരീസ് ഗ്രാന്‍ ടുറിസ്‌മോ സ്‌പോര്‍ട്ട്‌സ് ലൈന്‍, ലക്ഷ്വറി ലൈന്‍ എന്നീ രണ്ട് ഡിസൈന്‍ മോഡലുകളിലാണ് പുറത്തിറക്കിയിരിക്കുന്നത്. സ്‌പോര്‍ട്ട്‌സ് ലൈന്‍ സ്‌പോര്‍ട്ടി സ്‌റ്റൈലിന്റെയും മികച്ച ഇന്റീരിയറിന്റെയും പ്രതീകമാണ്. ലക്ഷ്വറി ലൈനില്‍ ആകാരവടിവും ആഡംബര സവിശേഷതകളുമാണ് പ്രകടമാകുന്നത്.

 

വില ബിഎംഡബ്ല്യു 320ഡി സ്‌പോര്‍ട്ട്‌സ് ലൈന്‍ 4,330,000 രൂപ, 320ഡി ലക്ഷ്വറി ലൈന്‍ 4,650,000 രൂപ, ബിഎംഡബ്ല്യു 330ഐ ലക്ഷ്വറി ലൈന്‍ 4,750,000 രൂപ.

 

ഫ്രെയിമുകളില്ലാത്ത ജനാലകളുള്ള നാല് ഡോറുകള്‍, കപ്പിള്‍-സ്റ്റൈല്‍, സാവധാനം താഴേക്ക് പതിക്കുന്ന രീതിയിലുള്ള വിസ്തൃതിയുള്ള റൂഫ് എന്നിവ ഗ്രാന്‍ ടുറിസമോയുടെ പ്രത്യേകതകളാണ്. എല്‍ ആകൃതിയുള്ള മുന്‍വശത്തെ ലൈറ്റുകള്‍ വാഹനത്തിന്റെ ആഭരണമാണ്.

 

പുതിയ രൂപത്തിലുള്ള എല്‍ഇഡി ഹെഡ്‌ലൈറ്റുകളും എല്‍ഇഡി റിയര്‍ ലൈറ്റുകളും ഗ്രാന്‍ ടുറിസമോയുടെ ആകാരഭംഗിക്ക് മാറ്റുകൂട്ടുന്നു. ഓട്ടോമാറ്റിക്കായി ഉയരം ക്രമീകരിക്കാവുന്ന അഡാപ്റ്റീവ് എല്‍ഇഡി ഹെഡ്‌ലൈറ്റുകളും വെള്ളനിറത്തിലുള്ള നാല് എല്‍ഇഡി കൊറോണ റിംഗ് ഡിസൈനും കാറിന് സ്‌പോര്‍ട്ടി ഭാവം പകരുന്നു.

 

320ഡി ഗ്രാന്‍ ടുറിസ്‌മോയുടെ രണ്ട് ലിറ്റര്‍ ശേഷിയുള്ള ഫോര്‍ സിലിണ്ടര്‍ ഡീസല്‍ എന്‍ജിന്‍ 140 കിലോവാട്ട്/ 190 എച്ച്പി ഔട്ട്പുട്ടും 1,7502,500 ആര്‍പിഎമ്മില്‍ 400 എന്‍എം മാക്‌സിമം ടോര്‍ക്കും നല്‍കുന്നു. 7.7 സെക്കന്‍ഡില്‍ പൂജ്യത്തില്‍ നിന്നും മണിക്കൂറില്‍ 100 കിലോമീറ്റര്‍ വരെ വേഗതയിലെത്തും.

 

330ഐ ഗ്രാന്‍ ടുറിസ്‌മോയുടെ രണ്ട് ലിറ്റര്‍ ശേഷിയുള്ള ഫോര്‍ സിലിണ്ടര്‍ 185 കിലോവാട്ട്/ /252 എച്ച്പി ഔട്ടപുട്ടും 1,4504,800 ആര്‍പിഎമ്മില്‍ 350 എന്‍എം ടോര്‍ക്കും നല്‍കുന്നു. 6.1 സെക്കന്‍ഡില്‍ പൂജ്യത്തില്‍ നിന്നും മണിക്കൂറില്‍ 100 കിലോമീറ്റര്‍ വരെ വേഗതയിലെത്തും. മികച്ച സുരക്ഷയാണ് ബിഎംഡബ്ല്യു ഒരുക്കുന്നതെന്ന് ബിഎംഡബ്ല്യു ഗ്രൂപ്പ് ഇന്ത്യ പ്രസിഡന്റ് (ആക്ടിങ്) ഫ്രാങ്ക് സ്‌ക്ലോഡര്‍ പറഞ്ഞു.

 

ഏതു സാഹചര്യത്തിലും പ്രവര്‍ത്തിക്കുന്ന ആറ് എയര്‍ ബാഗുകളാണ് ക്രമീകരിച്ചിട്ടുള്ളത്. ബ്രേക്ക് അസിസ്റ്റ്, ഡൈനാമിക് സ്റ്റബിലിറ്റി കണ്‍ട്രോള്‍ എന്നിവയോടു കൂടിയ ആന്റി ലോക്ക് ബ്രേക്കിംഗ് സിസ്റ്റം, ഡൈനാമിക് ട്രാക്ഷന്‍ കണ്‍ട്രോള്‍, കോര്‍ണറിംഗ് ബ്രേക്ക് കണ്‍ട്രോള്‍, സൈഡ് ഇംപാക്ട് പ്രൊട്ടക്ഷന്‍, കൂടുതല്‍ കരുത്തുള്ള റണ്‍ഫ്‌ളാറ്റ് ടയറുകള്‍ എന്നിവയാണ് മറ്റ് പ്രത്യേകതകള്‍.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.