2023 January 27 Friday
ശരീരത്തിനു വ്യായാമം പോലെതന്നെയാകുന്നു മനസ്സിന് വായന. -റിച്ചാർഡ് സ്റ്റീൽ

ബഹ്‌റൈന്‍ റീട്ടെയ്ല്‍ ഫെസ്റ്റിവല്‍ 2016 ന് തുടക്കമായി

മനാമ: ബഹ്‌റൈന്‍ റീട്ടെയ്ല്‍ ഫെസ്റ്റിവല്‍ 2016 ന് ബഹ്‌റൈന്‍ ഇന്റര്‍നാഷണല്‍ എക്‌സിബിഷന്‍ ആന്‍ഡ് കണ്‍വെന്‍ഷന്‍ സെന്ററില്‍ തുടക്കമായി. കൊമേഴ്‌സ്, ടൂറിസം മന്ത്രിയും ബഹ്‌റൈന്‍ അതോറിറ്റി ഫോര്‍ ടൂറിസം ആന്‍ഡ് എക്‌സിബിഷന്‍ (ബി.എ.ടി.ഇ) ചെയര്‍മാനുമായ സയെദ് ബിന്‍ റഷീദ് അല്‍ സയാനിയുടെ നേതൃത്വത്തില്‍ നടന്ന പരിപാടിയില്‍ ഫെസ്റ്റിവലിന്റെ ഔപചാരികമായ ഉദ്ഘാടനം കൊമേഴ്‌സ് അഫയേഴ്‌സ് അണ്ടര്‍ സെക്രട്ടറി നാദര്‍ ഖലീല്‍ അല്‍മോയദ് നിര്‍വഹിച്ചു. ഒട്ടേറെ വിശിഷ്ട വ്യക്തിത്വങ്ങള്‍ പരിപാടിയില്‍ സംബന്ധിച്ചിരുന്നു.

ദ അല്‍ ബയാന്‍ മീഡിയ ഗ്രൂപ്പാണ് മെയ് 29 വരെ നീളുന്ന പരിപാടിക്ക് ആതിഥ്യം വഹിക്കുന്നത്. ഇത്തരത്തിലുള്ള പരിപാടികള്‍ക്ക് കൊമേഴ്‌സ്, ടൂറിസം മന്ത്രാലയം നല്‍കി വരുന്ന പ്രോത്സാഹനങ്ങളെ ചടങ്ങില്‍ സംസാരിച്ച നാദര്‍ ഖലീല്‍ അല്‍മോയദ് പ്രകീര്‍ത്തിച്ചു.
ഇതിനായ് കൊമേഴ്‌സ്, ടൂറിസം മന്ത്രിയും, ബഹ്‌റിന്‍ അതോറിറ്റി ഫോര്‍ ടൂറിസം ആന്‍ഡ് എക്‌സിബിഷന്‍ (ബി.എ.ടി.ഇ) ചെയര്‍മാനുമായ സയെദ് ബിന്‍ റഷീദ് അല്‍ സായനിയുടെ പിന്തുണയ്ക്ക് അദ്ദേഹം നന്ദി പ്രകാശിപ്പിച്ചു. കഴിഞ്ഞ നാല് വര്‍ഷമായി ബഹ്‌റൈനില്‍ റീട്ടെയ്ല്‍ ഫെസ്റ്റിവല്‍ നടന്നു വരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.