2020 October 01 Thursday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ബഹ്റൈനില്‍ കൊവിഡ് ബാധിച്ച് മലയാളിയുള്‍പ്പെടെ രണ്ടു പേര്‍ മരണപ്പെട്ടു

ഉബൈദുല്ല റഹ് മാനി

മനാമ: ബഹ്റൈനിൽ കോവിഡ് ബാധിച്ച് മലയാളി ഉൾപ്പെടെ രണ്ടു പേർകൂടി മരിച്ചു. ആലപ്പുഴ ഹരിപ്പാട് കാരിച്ചാൽ അജിത് ഭവനത്തിൽ കെ.ടി. അജീന്ദ്രനാണ് (52) കഴിഞ്ഞ ദിവസം മരിച്ചത്. 11 വർഷമായി ബഹ്‌റൈനിൽ പ്രവാസിയായ ഇദ്ദേഹം സ്വകാര്യ കമ്പനിയിൽ ക്ലീനിങ് വിഭാഗത്തിൽ ജോലി ചെയ്യുകയായിരുന്നു. ഭാര്യ: ഗിരിജ. മക്കൾ: അജിത്, അരുൺ.
ഇതോടെ ബഹ്‌റൈനിൽ കോവിഡ് ബാധിച്ചു മരിച്ച മലയാളികളുടെ എണ്ണം എട്ടായി.
84 വയസ്സുള്ള സ്വദേശിയാണ് മരിച്ച മറ്റൊരാൾ. ഇതോടെ, രാജ്യത്ത് കോവിഡ് ബാധിച്ച് മരിച്ചവരുടെ എണ്ണം 159 ആയി. നിലവിൽ 2872 പേരാണ് ചികിത്സയിൽ കഴിയുന്നത്. അതിനിടെ 40276 പേർ രാജ്യത്ത് സുഖംപ്രാപിച്ചതായി ആരോഗ്യ മന്ത്രാലയം അറിയിച്ചു. ബഹ്റൈനിലിതു വരെ 886095 പേരെ കോവിഡ് ടെസ്റ്റിന് വിധേയമാക്കിയതായും അധിക‍ൃതര്‍ അറിയിച്ചു.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.