2022 May 20 Friday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഫലസ്തീന്‍ അറബ് ലീഗ് ചെയര്‍മാന്‍ പദവി വിട്ടു

 
റമല്ല: ഇസ്‌റാഈലുമായി അറബ് രാജ്യങ്ങള്‍ ബന്ധം സ്ഥാപിക്കുന്നതില്‍ പ്രതിഷേധിച്ച് ഫലസ്തീന്‍ അറബ് ലീഗ് ചെയര്‍മാന്‍ പദവി ഉപേക്ഷിച്ചു. ഫലസ്തീന്‍ വിദേശകാര്യ മന്ത്രിയാണ് ഇക്കാര്യം അറിയിച്ചത്. 
ഇസ്‌റാഈലില്‍ നിന്നും സ്വതന്ത്ര ഫലസ്തീന്‍ രാജ്യം നേടിയെടുക്കുകയെന്ന ഫലസ്തീന്റെ സ്വപ്നം തകര്‍ക്കുന്ന രീതിയില്‍ യു.എ.ഇയും ബഹ്‌റൈനും ജൂതരാജ്യവുമായി കരാറിലൊപ്പിട്ടത് ഫലസ്തീനികളോടുള്ള വഞ്ചനയായാണ് അവര്‍ കാണുന്നത്. കരാറിലൊപ്പിട്ടതിനെ അപലപിക്കാന്‍ പോലും അറബ് ലീഗ് തയാറാകാതിരുന്നതിനെ ഫലസ്തീന്‍ അതോറിറ്റി അപലപിച്ചിരുന്നു. 
ചട്ടപ്രകാരം അടുത്ത ആറുമാസം അറബ് ലീഗ് യോഗങ്ങളില്‍ അധ്യക്ഷതവഹിക്കേണ്ടത് ഫലസ്തീനാണ്. എന്നാല്‍ ആ പദവി ഇനി തങ്ങള്‍ക്കു വേണ്ടെന്ന് വിദേശകാര്യമന്ത്രി റിയാദ് അല്‍ മാലികി അധിനിവിഷ്ട വെസ്റ്റ്ബാങ്കില്‍ നടത്തിയ വാര്‍ത്താസമ്മേളനത്തില്‍ പറഞ്ഞു. അറബ് ലീഗ് സെക്രട്ടറി ജനറല്‍ അഹ്മദ് അബുല്‍ ഗൈഥിനെ ഇക്കാര്യം അറിയിച്ചിട്ടുണ്ടെന്നും അദ്ദേഹം പറഞ്ഞു. 
 

ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.