2022 May 25 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

പ്രോ ബോക്‌സിങ് താരങ്ങള്‍ക്ക് ഒളിംപിക്‌സില്‍ പങ്കെടുക്കാന്‍ അനുമതി നല്‍കിയേക്കും

ലോസേന്‍: പ്രൊഫഷനല്‍ ബോക്‌സിങ് താരങ്ങള്‍ക്ക് ഒളിംപിക്‌സ് മത്സരങ്ങളില്‍ പങ്കെടുക്കാന്‍ അന്താരാഷ്ട്ര ബോക്‌സിങ് അസോസിയേഷന്‍ അനുമതി നല്‍കിയേക്കും. കഴിഞ്ഞദിവസം സ്വിറ്റ്‌സര്‍ലന്‍ഡിലെ ലോസേനില്‍ നടന്ന യോഗത്തിലാണ് ഇക്കാര്യം ധാരണയായത്.

എന്നാലിത് ഔദ്യോഗികമായി പുറത്തുവിട്ടിട്ടില്ല. യോഗത്തില്‍ അന്താരാഷ്ട്ര ബോക്‌സിങ് അസോസിയേഷനിലെ 88 അംഗങ്ങള്‍ അനുകൂലമായി വോട്ടുചെയ്തു. നാലുപേര്‍ എതിര്‍ത്തപ്പോള്‍ നാലുപേര്‍ വോട്ടെടുപ്പില്‍ നിന്ന് വിട്ടുനിന്നു. പ്രൊഫഷനല്‍ ബോക്‌സിങിന് അനുകൂല തീരുമാനമാണ് എടുത്തതെങ്കിലും പല താരങ്ങള്‍ക്കും ഒളിംപിക്‌സിന് പങ്കെടുക്കാന്‍ സാധിക്കില്ല. യോഗ്യതാ മത്സരങ്ങള്‍ പലതും കഴിഞ്ഞുപോയതാണ് ഇവര്‍ക്ക് തിരിച്ചടിയായത്. ഇന്ത്യയുടെ പ്രോ ബോക്‌സിങ് താരം വിജേന്ദറിനും ഇക്കാര്യം തിരിച്ചടിയാകും. ജൂലൈ 16ന് ഡബ്ല്യു. ബി.എ ഏഷ്യന്‍ ടൈറ്റില്‍ മത്സരത്തിനുള്ള പരിശീലനം നടക്കുന്നതിനാല്‍ യോഗ്യതാ മത്സരത്തില്‍ പങ്കെടുക്കാന്‍ സാധിക്കില്ലെന്ന് വിജേന്ദര്‍ വ്യക്തമാക്കിയിട്ടുണ്ട്. അസര്‍ബൈജാനില്‍ നടക്കുന്ന ലോക യോഗ്യതാ പോരാട്ടമാണ് ഒളിംപിക്‌സിന് യോഗ്യത നേടാനുള്ള അവസാന കടമ്പ. ജൂണ്‍ 16നാണ് ഇന്ത്യന്‍ താരങ്ങളുടെ മത്സരം ആരംഭിക്കുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News