2021 March 06 Saturday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

പൊലിസിനുനേരെ സംഘ്പരിവാര്‍ സംഘടനകളുടെ ആക്രമണം

ആഗ്ര: ന്യൂനപക്ഷ സമുദായത്തില്‍പ്പെട്ട കടയുടമകളെ കൊള്ളയടിച്ചവര്‍ക്കെതിരേ കേസെടുത്ത ഫത്തേപ്പൂര്‍ സിക്രി പൊലിസിനുനേരെ സംഘ്പരിവാര്‍ സംഘടനകളുടെ ആക്രമണം. വി.എച്ച്.പി, ബജ്രംഗദള്‍, ഹിന്ദു യുവവാഹനി, ബി.ജെ.പി പ്രവര്‍ത്തകര്‍ പൊലിസ് സ്റ്റേഷനുനേരെ കല്ലെറിയുകയും ഡെപ്യൂട്ടി പൊലിസ് സൂപ്രണ്ട് രവികാന്ത് പരാശറിനെ മര്‍ദിക്കുകയും ചെയ്തു.
മറ്റുമതസ്ഥരായ കച്ചവടക്കാരെ ആക്രമിച്ച് പണം തട്ടിയെടുത്ത ചില സംഘ്പരിവാര്‍ പ്രവര്‍ത്തകര്‍ക്കെതിരേ പൊലിസ് നടപടിയെടുത്തതാണ് ഇവരെ പ്രകോപിപ്പിച്ചത്. എഫ്.ഐ.ആര്‍ റദ്ദാക്കണമെന്നാവശ്യപ്പെട്ട് അക്രമികള്‍ ഫത്തേപൂര്‍ സിക്രി പൊലിസ് സ്റ്റേഷന്‍ ഘരാവോ ചെയ്തു. ബി.ജെ.പിയുടെ കിര്‍വാലി ടെഹ്‌സില്‍ കോഡിനേറ്റര്‍ ഹേമന്ത് തിവാരി, ഉദയ വീര്‍, വി.എച്ച്.പി വിദ്യാര്‍ഥി നേതാവ് ജഗ് മോഹന്‍ ചാഹര്‍, ഗോരക്ഷ പ്രമുഖ് ഓമി തിക്രി, വി.എച്ച്.പി ആഗ്ര ജില്ലാ കോഡിനേറ്റര്‍ സാഗര്‍ ചൗധരി എന്നിവരുള്‍പ്പെടെ 50ഓളം പേര്‍ പൊലിസ് സ്റ്റേഷനുമുന്‍പില്‍ പ്രതിഷേധം സംഘടിപ്പിച്ചു. ഇതാണ് പിന്നീട് അക്രമത്തിലേക്ക് വഴിമാറിയത്.

 

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.