2021 February 28 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

പി.സി ജോര്‍ജിനെ തള്ളി വീണ്ടും ജനപക്ഷം കൗണ്‍സിലര്‍മാര്‍

ഈരാറ്റുപേട്ട: വര്‍ഗീയ ഫാഷിസ്റ്റ് ഭരണം അവസാനിപ്പിക്കാനും മതനിരപേക്ഷ സര്‍ക്കാര്‍ രാജ്യത്ത് ഭരണത്തിലെത്തുന്നതിനും പ്രവര്‍ത്തിക്കുമെന്ന് നഗരസഭാധ്യക്ഷന്‍ വി.കെ കബീര്‍, ഉപാധ്യക്ഷ ബള്‍ക്കിസ് നവാസ്, സ്ഥിരം സമിതി അധ്യക്ഷന്‍ പി.എച്ച് ഹസീബ് എന്നിവര്‍ പറഞ്ഞു. പി.സി ജോര്‍ജിന്റെ ബി.ജെ.പി അനുകൂല നിലപാടിനോട് യോജിക്കുന്നില്ലെന്നും ഇവര്‍ പറഞ്ഞു. പി.സി ജോര്‍ജിന്റെ നിലപാടിനെതിരേ വ്യാപക പ്രതിഷേധം ഉയര്‍ന്നതോടെയാണ് ഇവര്‍ പി.സി ജോര്‍ജിനെതിരേ പരസ്യമായി രംഗത്തെത്തിയത്. എം.എല്‍.എയുടെ നയത്തെ അംഗീകരിക്കാനാവില്ലെന്ന് ഈ രാറ്റുപേട്ട നഗരസഭാ ചെയര്‍മാന്‍ വി.കെ കബീര്‍ പറഞ്ഞു. യു.ഡി.എഫിനുവേണ്ടി പ്രചാരണത്തിനിറങ്ങാന്‍ സാങ്കേതിക കാരണങ്ങളാല്‍ സാധിക്കില്ല. യു.ഡി.എഫിനോട് തന്നെയാണ് അനുഭാവം. പി.സി ജോര്‍ജ്ജിന്റെ എന്‍.ഡി.എ പിന്തുണയെ പൂര്‍ണമായും തള്ളിക്കളയുന്നതായും കബീര്‍ പറഞ്ഞു. നഗരസഭ വൈസ് ചെയര്‍പേഴ്‌സന്‍ ബള്‍ക്കീസ് നവാസും പി.സി ജോര്‍ജിനെ തള്ളി രംഗത്തെത്തി.
കഴിഞ്ഞ ദിവസം കോട്ടയത്തു പി.സി ജോര്‍ജ് എം.എല്‍.എ നടത്തിയ വാര്‍ത്താ സമ്മേളനത്തില്‍നഗരസഭയിലെ നാല് ജനപക്ഷം അംഗങ്ങളും തന്നോടൊപ്പമാണെന്ന് പ്രഖ്യാപിച്ചിരുന്നു. പി.സി ജോര്‍ജുമായുള്ള ബന്ധം ഉപേക്ഷിച്ച് യു.ഡി.എഫിനൊപ്പം ചേര്‍ന്നില്ലെങ്കില്‍ അവിശ്വാസത്തിന് നോട്ടിസ് നല്‍കാന്‍ യു.ഡി.എഫും തീരുമാനിച്ചിരുന്നു. ഇതേത്തുടര്‍ന്നാണ് ഇവര്‍ പി.സി ജോര്‍ജിന്റെ നിലപാടുകള്‍ക്കെതിരേ പരസ്യമായി രംഗത്തെത്തിയത്.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.