2021 February 28 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

പി.വി ഹൈദരലിയെ അനുസ്മരിച്ചു

കോഴിക്കോട്: നല്ല വാര്‍ത്തകള്‍ക്കു നേരെ മുഖംതിരിക്കുകയും തെറ്റായ വാര്‍ത്തകള്‍ക്കു പ്രാധാന്യം നല്‍കുകയും ചെയ്യുന്ന പ്രവണത മാധ്യമരംഗത്തു വര്‍ധിക്കുകയാണെന്ന് മുസ്‌ലിം ലീഗ് ദേശീയ സെക്രട്ടറി എം.പി അബ്ദുസ്സമദ് സമദാനി. ചന്ദ്രിക ദിനപത്രം ന്യൂസ് എഡിറ്ററായിരുന്ന പി.വി ദൈഹരലിയുടെ ഒന്നാം ചരമവാര്‍ഷിക ദിനാചരണത്തിന്റെ ഭാഗമായി കാലിക്കറ്റ് പ്രസ്‌ക്ലബില്‍ സംഘടിപ്പിച്ച സംഗമം ഉദ്ഘാടനം ചെയ്യുകയായിരുന്നു അദ്ദേഹം.
സി.പി സൈതലവി അധ്യക്ഷനായി. പ്രസ്‌ക്ലബ് പ്രസിഡന്റ് കമാല്‍ വരദൂര്‍ അനുസ്മരണ പ്രഭാഷണം നടത്തി.
സുപ്രഭാതം മാനേജിങ് എഡിറ്റര്‍ നവാസ് പൂനൂര്‍, പ്രസ്‌ക്ലബ് സെക്രട്ടറി എന്‍. രാജേഷ്, മലയാള മനോരമ മുന്‍ ന്യൂസ് എഡിറ്റര്‍ ബാലഗോപാല്‍, കെ.പി വിജയകുമാര്‍, ടി.പി ചെറൂപ്പ, സി.കെ താനൂര്‍, നടക്കാവ് മുഹമ്മദ്‌കോയ, അഹമ്മദ്കുട്ടി ഉണ്ണികുളം, മുസ്‌ലിം ലീഗ് ജില്ലാ പ്രസിഡന്റ് ഉമ്മര്‍ പാണ്ടികശാല, കെ.കെ മുഹമ്മദ്, പി.കെ മുഹമ്മദ്, കൗണ്‍സിലര്‍ സി. അബ്ദുറഹ്മാന്‍, പ്രസ്‌ക്ലബ് വൈസ് പ്രസിഡന്റ് ഇ.പി മുഹമ്മദ്, ട്രഷറര്‍ വിപുല്‍നാഥ്, നടുക്കണ്ടി അബൂബക്കര്‍, ലുഖ്മാന്‍ മമ്പാട്, പ്രിംജാസ് സംസാരിച്ചു.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.