2022 September 30 Friday
ലോകത്തില്‍ മാറ്റങ്ങള്‍ വരണമെന്ന് ഏവരും ആഗ്രഹിക്കുന്നു. എന്നാല്‍ സ്വയം മാറ്റത്തിനു വിധേയനവാന്‍ ആരും തയ്യാറല്ല താനും. ലിയോ ടോള്‍സ്റ്റോയ്

പി.കെ ശശി എം.എല്‍.എ ജില്ലാ സെക്രട്ടേറിയറ്റില്‍

 

പാലക്കാട്: പി.കെ.ശശി എം.എല്‍.എയെ സി.പി.എം പാലക്കാട് ജില്ലാ സെക്രട്ടേറിയറ്റില്‍ തിരിച്ചെടുക്കും. ഇന്നലെ ചേര്‍ന്ന ജില്ലാ കമ്മിറ്റിയിലാണ് തീരുമാനം. വനിതാ നേതാവിന്റെ പരാതിയില്‍ പി.കെ ശശിയെ രണ്ടുവര്‍ഷം മുമ്പ് സസ്‌പെന്‍ഡ് ചെയ്തിരുന്നു. കഴിഞ്ഞ വര്‍ഷം മേയിലാണ് സി.പി.എം പ്രാഥമികാംഗമായി തിരിച്ചെടുത്തത്.
പി.കെ. ശശി എം.എല്‍.എ സി.പി.എം. പാലക്കാട് ജില്ലാകമ്മിറ്റി കേന്ദ്രീകരിച്ച് പ്രവര്‍ത്തിക്കാന്‍ നിര്‍ദേശം നല്‍കണമെന്ന് ജില്ലാകമ്മിറ്റി നേരത്തെ ശുപാര്‍ശ ചെയ്തിരുന്നു. സസ്‌പെന്‍ഷന്‍ കാലാവധിക്കുശേഷം ശശി പാര്‍ട്ടിയുടെ ഏതുഘടകത്തിലാണ് പ്രവര്‍ത്തിക്കേണ്ടത് എന്നതുസംബന്ധിച്ച് സംസ്ഥാന നേതൃത്വം തീരുമാനമെടുക്കണമെന്നായിരുന്നു ശുപാര്‍ശ.സസ്‌പെന്‍ഷന്‍ കാലയളവില്‍ മാതൃകാപരമായ പ്രവര്‍ത്തനം കാഴ്ചവച്ചതായി ജില്ലാകമ്മിറ്റി വിലയിരുത്തി. ഡി.വൈ.എഫ്.ഐ ജില്ലാകമ്മിറ്റിയംഗമായ വനിത ശശിക്കെതിരേ പീഡനാരോപണം ഉന്നയിച്ച് കേന്ദ്രകമ്മിറ്റിക്ക് നല്‍കിയ പരാതിയിലായിരുന്നു സംഭവങ്ങളുടെ തുടക്കം. 2018 ഓഗസ്റ്റിലാണിത്.
പാര്‍ട്ടി കേന്ദ്രകമ്മിറ്റിയംഗങ്ങളായ പി.കെ ശ്രീമതിയും എ.കെ ബാലനും നടത്തിയ അന്വേഷണത്തെത്തുടര്‍ന്നായിരുന്നു നവംബറില്‍ ശശിക്കെതിരായ നടപടി. മേയ് മാസത്തോടെ സസ്‌പെന്‍ഷന്‍ കാലാവധി അവസാനിച്ചെങ്കിലും പി.കെ ശശി പ്രവര്‍ത്തിക്കേണ്ട ഘടകം സംബന്ധിച്ച് തീരുമാനിച്ചിരുന്നില്ല.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.