2022 July 05 Tuesday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

പരിസ്ഥിതിലോല മേഖല: മനുഷ്യത്വപരമായ സമീപനം സ്വീകരിക്കണമെന്ന് സാദിഖലി തങ്ങൾ

കൽപ്പറ്റ
പരിസ്ഥിതിലോല മേഖലയുമായി ബന്ധപ്പെട്ട കോടതിവിധിയിൽ പുനർവിചിന്തനം ആവശ്യമാണെന്നും വിഷയത്തിൽ മനുഷ്യത്വപരമായ സമീപനമാണ് സ്വീകരിക്കേണ്ടതെന്നും മുസ് ലിം ലീഗ് സംസ്ഥാന പ്രസിഡന്റ് പാണക്കാട് സാദിഖലി ശിഹാബ് തങ്ങൾ പറഞ്ഞു. കൽപ്പറ്റയിൽ മാധ്യമങ്ങളോട് സംസാരിക്കുകയായിരുന്നു അദ്ദേഹം. ബഫർസോൺ വരുമ്പോൾ പ്രദേശങ്ങൾക്കൊപ്പം ജീവിതവും ഇല്ലാതാകും. ഇതിനെതിരേ എല്ലാവരും ഒറ്റക്കെട്ടായി മുന്നോട്ടുവരണമെന്നും ലീഗ് ജനങ്ങൾക്കൊപ്പമുണ്ടെന്നും തങ്ങൾ കൂട്ടിച്ചേർത്തു.

സാമൂഹ്യനന്മകൾ കൂടുതൽ ശക്തമായി ഉൾച്ചേർക്കേണ്ട കാലമാണിത്. മതവും ജാതിയും ഭരണം നിലനിർത്താനും സമാധാന ജീവിതത്തെ ഇല്ലാതാക്കാനുമായാണ് ഭരണകൂടങ്ങൾ ഉപയോഗിക്കുന്നത്. സമൂഹത്തിൽ ഇന്ന് ഉയരുന്നുവരുന്ന അസ്വാരസ്യങ്ങൾക്കെതിരേ മതമോ, രാഷ്ട്രീയമോ നോക്കാതെ ഒരുമിച്ച് ശബ്ദമുയർത്തണം. ഐക്യത്തിന്റെയും സ്‌നേഹത്തിന്റെയും സാഹോദര്യത്തിന്റെയും സംസ്‌കാരം കാത്തുസൂക്ഷിക്കലാണ് സമാധാനാന്തരീക്ഷം വീണ്ടെടുക്കാനുള്ള പ്രധാന മാർഗമെന്നും തങ്ങൾ കൂട്ടിച്ചേർത്തു.
ഈമാസം രണ്ടിന് കാസർകോട് നിന്നാരംഭിച്ച ആരംഭിച്ച കേരള പര്യടനത്തിന്റെ ഭാഗമായാണ് തങ്ങൾ വയനാട്ടിലെത്തിയത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.