2022 May 20 Friday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

പഞ്ചായത്തിന്റെ നിര്‍ദേശത്തെ തുടര്‍ന്ന് വീട് പൊളിച്ചുമാറ്റിയ കുടുംബം ദുരിതത്തില്‍

ഹരിപ്പാട്: ഗ്രാമപഞ്ചായത്തിന്റെ നിര്‍ദേശത്തെ തുടര്‍ന്ന് വാസയോഗ്യമല്ലാത്ത വീട് പൊളിച്ചുമാറ്റിയവര്‍ ദുരിതത്തില്‍.
വീട്‌പൊളിച്ചുമാറ്റിയെങ്കിലും ഒരു സാമ്പത്തികവര്‍ഷം പിന്നിടാറായിട്ടും നാളിതുവരെ ഒരുഗഡു പൈസ പോലും ഗുണഭോക്താവിന് ലഭിച്ചില്ല. കുമാരപുരം ഗ്രാമ പഞ്ചായത്തില്‍ എരിക്കാവ് വാര്‍ഡ് നമ്പര്‍ 14ല്‍ ലക്ഷ്മി നിലയത്തില്‍ സിന്ധുജ-രമണന്‍ ദമ്പതികള്‍ക്കാണ് ഈ ദുരവസ്ഥ. ഇവര്‍ലൈഫ് മിഷന്‍ പദ്ധതിയില്‍ വീടിനായി അപേക്ഷിച്ചിരുന്നു. വീട് അനുവദിക്കുകയും ചെയ്തു. ഗ്രാമപഞ്ചായത്തിലെ ബന്ധപ്പെട്ട ഉദ്യോഗസ്ഥര്‍ നേരിട്ട് വന്നു സ്ഥലം അളന്നു ബോധ്യപ്പെട്ടു അനുമതിയും നല്‍കിയിരുന്നു.
കാര്‍ത്തികപ്പള്ളി താലൂക്ക് ഉപഭോക്തൃ സമിതി ജനറല്‍ സെക്രട്ടറി ഇത് സംബന്ധിച്ചു ഗ്രാമ പഞ്ചായത്തില്‍ അന്വേഷിച്ചപ്പോള്‍ സത്യം വെളിവാക്കി. 20 സെന്റ് ഭൂമി സ്വന്തായിട്ടുള്ള സിന്ധുജയെ ഭൂരഹിത വിഭാഗത്തിലാണ് ഉള്‍പ്പെടുത്തിയിരിക്കുന്നത്. അന്വേഷണത്തിന് ചെന്നിരുന്ന ഉദ്യോഗസ്ഥര്‍ അളന്നു ബോധ്യപ്പെട്ടത് ആരുടെ ഭൂമിയാണെന്ന് അറിയില്ല.
ഇത് സംബന്ധിച്ച് ജില്ലാ കലക്ടര്‍ക്കും ജില്ലാ കോര്‍ഡിനേറ്റര്‍ക്കും ഉപഭോക്തൃ സമിതി സെക്രട്ടറി പരാതി നല്‍കിയിട്ടുണ്ട്. രമണന്‍ തെങ്ങുകയറ്റ തൊഴിലാളിയാണ്. സിന്ധുജ തൊഴിലുറപ്പു തൊഴിലാളിയും. രണ്ടു പെണ്‍ കുട്ടികളുമായി കെട്ടുറപ്പില്ലാത്തവീട്ടിലാണ് അന്തിയുറക്കം. ഉണ്ടായിരുന്ന കുടിലും അധികാരികള്‍ പൊളിച്ചു കളയിച്ചു. ബന്ധപെട്ട മേലധികാരികളുടെ കനിവ് കാത്ത് കഴിയുകയാണ് ഈ കുടുംബം.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.