2022 August 19 Friday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

നോട്ട് പ്രതിസന്ധി: ആന്ധ്രാ, തെലങ്കാന സംസ്ഥാനങ്ങളില്‍ ഒറ്റ ദിവസം മാറ്റിവെച്ചത് 50,000 ത്തോളം വിവാഹങ്ങള്‍

ഹൈദരാബാദ്: മികച്ച മുഹൂര്‍ത്തമുണ്ടായിട്ടും ആന്ധ്രാ, തെലങ്കാന സംസ്ഥാനങ്ങളില്‍ മാത്രം ഒറ്റ ദിവസം മാറ്റിവെച്ചത് 50,000 ലധികം വിവാഹങ്ങള്‍. കല്യാണ ആവശ്യത്തിനായി പണം പിന്‍വലിക്കാന്‍ കഴിയാതെ വന്നതോടെയാണ് ഇത്രയധികം വിവാഹങ്ങള്‍ മാറ്റിവെക്കേണ്ടി വന്നത്.

വിവാഹാവശ്യത്തിനായി 2.5 ലക്ഷം രൂപ ബാങ്കില്‍ നിന്ന് നേരിട്ട് പിന്‍വലിക്കാമെങ്കിലും പണം ലഭിക്കാനാവശ്യമായ നിബന്ധനകള്‍ കഠിനമായതാണ് ഇത്തരക്കാരെ ബുദ്ധിമുട്ടിലാക്കിയത്.

ആധാറും പാന്‍കാര്‍ഡും ബാങ്കുകളില്‍ നിന്ന് പണം പിന്‍വലിക്കാനാവശ്യമായ രേഖകള്‍, ആര്‍ക്കെല്ലാം, എന്തിനെല്ലാം വേണ്ടി പണം ചിലവഴിക്കുന്നു, ഓണ്‍ലൈന്‍ വഴി പണമിടപാട് നടത്താന്‍ കഴിയുന്ന ബാങ്ക് അക്കൗണ്ടില്ലെന്ന സത്യവാങ്മൂലവും ഉള്‍പ്പെടെ ഒരുപാട് നിബന്ധനകളാണ് പണം ലഭിക്കുന്നതിനായി നല്‍കേണ്ടത്. വിവാഹത്തിരക്കുകള്‍ക്ക് പുറമെയാണ് പണം സംഘടിപ്പിക്കാനായി രേഖകള്‍ക്ക് പുറകെ ഈ നെട്ടോട്ടവും.

ഇത്രയും രേഖകള്‍ സംഘടിപ്പിച്ച് ബാങ്കിലെത്തിയാല്‍ തന്നെ ഒരു കല്യാണചെലവിനാവശ്യമായ പണം ലഭിക്കുന്നുമില്ല. ഇതെല്ലാം കല്യാണം മാറ്റിവെക്കലുകള്‍ക്ക് കാരണമായി.അക്കൗണ്ടില്‍ പണമുണ്ടായിട്ടും കല്യാണം നടത്താന്‍ കഴിയാത്ത അവസ്ഥയാണ് പലര്‍ക്കും. അതുമാത്രമല്ല, നോട്ടുകളുടെ ലഭ്യത കുറവ് മൂലം മുഴുവന്‍ രേഖകളുമായി എത്തിയവര്‍ക്കു പോലും മുഴുവന്‍ തുക ലഭിക്കാത്ത അവസ്ഥയും കുറവല്ല.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.