2021 April 18 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

നാമനിര്‍ദേശ പത്രിക തള്ളല്‍; തെരഞ്ഞെടുപ്പ് പൂര്‍ത്തിയായതിന് ശേഷം ചോദ്യം ചെയ്യാം: ഡല്‍ഹി ഹൈക്കോടതി

ന്യൂഡല്‍ഹി: നാമനിര്‍ദേശ പത്രിക തള്ളിയ തെരഞ്ഞെടുപ്പ് കമ്മിഷന്റെ നടപടി തെരഞ്ഞെടുപ്പ് പ്രക്രിയ പൂര്‍ത്തിയായതിന് ശേഷം മാത്രമെ കോടതിയില്‍ ചോദ്യം ചെയ്യാവൂയെന്ന് ഡല്‍ഹി ഹൈക്കോടതി.
തെരഞ്ഞെടുപ്പ് നടത്തുന്ന അധികൃതരുടെ ഏകപക്ഷീയമായ നടപടികള്‍ മൂലമോ വഞ്ചനാപരമായ പ്രവൃത്തികള്‍ കൊണ്ടോ അല്ലാതെയോ നാമനിര്‍ദേശ പത്രിക തള്ളിയാല്‍ അത്തരം കേസുകള്‍ തെരഞ്ഞെടുപ്പ് പൂര്‍ത്തിയായതിന് ശേഷമെ കോടതിയില്‍ ചോദ്യം ചെയ്യാവൂ എന്ന് ആക്ടിങ് ചീഫ് ജസ്റ്റിസ് ഗീത മിത്തല്‍, ജസ്റ്റിസ് അനു മല്‍ഹോത്ര എന്നിവരടങ്ങിയ ഡിവിഷന്‍ ബെഞ്ച് വ്യക്തമാക്കി. ഡല്‍ഹി മുനിസിപ്പല്‍ കൗണ്‍സില്‍ തെരഞ്ഞടുപ്പില്‍ നാമനിര്‍ദേശ പത്രിക തള്ളിയ സംസ്ഥാന തെരഞ്ഞടുപ്പ് കമ്മിഷന്റെ നടപടിയെ ചോദ്യം ചെയ്ത് സന്‍ജു ബാല എന്ന യുവതി നല്‍കിയ ഹരജി തള്ളിക്കൊണ്ടാണ് ഹൈക്കോടതി വിധി.
ഹരജിക്കാരിയുടെ നാമനിര്‍ദേശ പത്രികയില്‍ നല്‍കിയിരിക്കുന്ന നിര്‍ദേശകന്റെ താമസസ്ഥലത്തെ വിലാസം തെറ്റായി എഴുതി എന്ന് കണ്ടെത്തിയ കമ്മിഷന്‍ ഇവരുടെ പത്രിക തള്ളിയിരുന്നു. സന്‍ജു മത്സരിക്കാന്‍ നാമനിര്‍ദേശ പത്രിക സമര്‍പ്പിച്ച വാര്‍ഡിലെ താമസക്കാരനായിരുന്നില്ല അവരുടെ നിര്‍ദേശകന്‍. എന്നാല്‍, നാമനിര്‍ദേശ പത്രികയില്‍ നിര്‍ദേശകന്‍ ആ വാര്‍ഡില്‍ താമസിക്കുന്ന ആളാണെന്ന് തെറ്റായി എഴുതിയിരുന്നു. ഇക്കാരണത്താല്‍, കമ്മിഷന്‍ ഇവരുടെ നാമനിര്‍ദേശ പത്രിക തള്ളുകയായിരുന്നു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.