2024 February 22 Thursday
ബംഗാള്‍ ഉള്‍ക്കടലില്‍ ന്യൂനമര്‍ദ്ദം; സംസ്ഥാനത്ത് അടുത്ത അഞ്ച് ദിവസം മഴയ്ക്ക് സാധ്യത

ദിനംപ്രതി അര ലക്ഷത്തിലേറെ സൈബർ ആക്രമണങ്ങൾ; ജാഗ്രത പാലിക്കണമെന്ന് യുഎഇ

അബുദാബി: യുഎഇയിൽ ദിവസേന അര ലക്ഷത്തിലേറെ സൈബർ ആക്രമണങ്ങൾ തടയുന്നതായി റിപ്പോർട്ട്. ഇതിന്റെ പശ്ചാത്തലത്തിൽ സൈബർ ആക്രമണങ്ങൾക്കെതിരെ ജാഗ്രത പാലിക്കണമെന്ന് യുഎഇ സൈബർ സുരക്ഷാ കൗൺസിൽ നിർദേശം നൽകി. സർക്കാർ, സ്വകാര്യ സ്ഥാപനങ്ങൾക്കാണ് സൈബർ സുരക്ഷാ കൗൺസിലിന്റെ നിർദേശം. സർക്കാർ, സ്വകാര്യ ഏജൻസികളുടെ സഹകരണം സൈബർ ആക്രമണങ്ങൾ തടയുന്നതിനായി ശക്തമാക്കണമെന്നും നിർദേശമുണ്ട്.

വിവിധ തരത്തിലുള്ള സൈബർ ഭീഷണികളാണ് നേരിടേണ്ടി വരുന്നത്. ആക്രമണങ്ങൾ തടയാൻ അടിയന്തര സുരക്ഷാ സംവിധാനങ്ങൾ സജീവമാക്കണം. പ്രശ്ന പരിഹാരത്തിന് ഡേറ്റ പങ്കിടുന്നത് ഉൾപ്പെടെയുള്ള സഹകരണത്തിന് മുൻകൂട്ടി പദ്ധതി ആവിഷ്ക്കരിക്കണമെന്നും യുഎഇ സൈബർ സുരക്ഷാ കൗൺസിൽ ആവശ്യപ്പെട്ടു.

ബാങ്കിങ്, ഫിനാൻസ്, ഹെൽത്ത്, ഓയിൽ ആൻഡ് ഗ്യാസ് വിഭാഗങ്ങളാണ് കൂടുതൽ സൈബർ ആക്രമണം നേരിടുന്നതെന്നാണ് വിവരം. ദേശ സുരക്ഷ ഉറപ്പാക്കുന്നതിനായുള്ള നടപടി ക്രമങ്ങൾ നടക്കുന്നുണ്ട്. ഇതോടൊപ്പം തന്നെ ജനങ്ങൾക്ക് മെച്ചപ്പെട്ട സേവനം ഉറപ്പാക്കുമെന്നും അധികൃതർ അറിയിച്ചു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.