2022 January 29 Saturday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ദക്ഷിണ നാവിക ആസ്ഥാനത്തേക്ക് സ്വകാര്യ ബസ് പാഞ്ഞുകയറി

മട്ടാഞ്ചേരി : കൊച്ചി ദക്ഷിണ നാവിക ആസ്ഥാനത്തെ അതിസുരക്ഷാ മേഖലയിലേക്ക് അമിത വേഗതയില്‍ വന്ന സ്വകാര്യ ബസ് പാഞ്ഞുകയറി ബസ് യാത്രികരായിരുന്ന 15ഓളം പേര്‍ക്ക് പരുക്കേറ്റു. ഇന്നലെ വൈകിട്ട് 3.30 ഓടെയാണ് സംഭവം.  കാക്കനാട്-ഫോര്‍ട്ടുകൊച്ചി റൂട്ടില്‍ സര്‍വിസ് നടത്തുന്ന എം.എം.എസ് ബസാണ് അപകടമുണ്ടാക്കിയത്. എറണാകുളത്തുനിന്നും ഫോര്‍ട്ടുകൊച്ചിയിലേക്ക് വരികയായിരുന്നു ബസ്. നേവല്‍ ബേസിന്റെ വേമ്പനാടു ഗേറ്റിനും വാത്തുരുത്തി റെയില്‍വേ ഗേറ്റിനും മധ്യേയാണ് സംഭവം. നാവിക സേനയുടെ ആസ്ഥാനത്തെ മതിലും, കമ്പിവേലിയും തകര്‍ത്ത് ബസ് അകത്തേക്ക് കയറി. എതിരേ നിന്നു വരികയായിരുന്ന കാര്‍ യാത്രികര്‍ക്കും അപകടത്തില്‍ പരുക്കേറ്റിട്ടുണ്ട്. സംഭവം നടന്നയുടനെ നാവിക സേന സ്ഥലത്തെ സുരക്ഷ ഏറ്റെടുത്തു. പള്ളുരുത്തി ട്രാഫിക്ക് പൊലിസും സ്ഥലത്തെത്തി.  അപകടത്തെ തുടര്‍ന്ന് മണിക്കൂറുകളോളം ഇതുവഴിയുള്ള ഗതാഗതം തടസപ്പെട്ടു. അപകടമുണ്ടാക്കിയ ബസ് ക്രെയിന്‍ ഉപയോഗിച്ച് നീക്കി. പരുക്കേറ്റവരെ എറണാകുളം ജനറല്‍ ആശുപത്രിയില്‍ പ്രാഥമി പരിശോധന നടത്തി വിട്ടയച്ചു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.