2020 December 02 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

തേനീച്ചക്കോളനികളുടെ പരിപാലനം: പ്രായോഗിക പരിശീലനമാരംഭിച്ചു

കല്‍പറ്റ: സംയോചിതമായ ഇടപെടലുകളിലൂടെ തേനീച്ച വളര്‍ത്തല്‍ പദ്ധതി വിജയകരമാക്കുക എന്ന ലക്ഷ്യത്തോടെ സെന്റര്‍ ഫോര്‍ യൂത്ത് ഡവലപ്പ്‌മെന്റ് ഖാദി ആന്‍ഡ് വില്ലേജ് ഇന്‍ഡസ്ട്രീസ് കമ്മിഷന്റെ സഹായത്തോടെ കര്‍ഷകര്‍ക്ക് പരിശീലനം നല്‍കി.
മഴക്കാല പരിചരണം, തേന്‍ സീസണ്‍, കോളനി ഡിവിഷന്‍ തുടങ്ങിയ തേനീച്ച വളര്‍ത്തലിലെ പ്രധാന ഘട്ടങ്ങളെ കുറിച്ചാണ് പ്രായോഗിക പരിശീലനം. മഴക്കാലത്ത് തേനീച്ചകള്‍ കൂട് വിട്ട് പോകുന്ന പ്രവണത കര്‍ഷകര്‍ പദ്ധതിയില്‍ നിന്നും പിന്തിരിയാന്‍ കാരണമാകുന്നുണ്ട്.
ഈയൊരു പ്രശ്‌നം കര്‍ഷകരുടെ ശ്രദ്ധയില്‍ കൊണ്ടു വരുന്നതിനും പ്രായോഗിക തലത്തില്‍ ഇടപെടുന്നതിനുമാണ് അഞ്ച് ദിവസത്തെ പരിശീലനത്തില്‍ മുന്‍ഗണന നല്‍കുന്നത്. കെ.വി.ഐ.സി സൂപ്പര്‍ വൈസര്‍ ഗോമതി നായകത്തിന്റെ നേതൃത്വത്തില്‍ കര്‍ഷകരെ 25 ആളുകളുള്ള ഗ്രൂപ്പുകളായി തിരിച്ചാണ് പരിശീലനം.
ആദ്യ ഘട്ടത്തില്‍ കമ്പളക്കാട് പറളിക്കുന്നില്‍ പ്രവര്‍ത്തിക്കുന്ന സി.വൈ.ഡി ബീ-ബ്രീഡീങ് സെന്ററിലും തുടര്‍ന്ന് ജില്ലയിലെ വിവിധ ഭാഗങ്ങളിലും പരിശീലനം സംഘടിപ്പിക്കും. പരിശീലനത്തിന് സി.വൈ.ഡി കോഡിനേറ്റര്‍ റ്റി കൃഷ്ണന്‍ നേതൃത്വം നല്‍കും. രണ്ടാം ഘട്ട പരിശീലനത്തില്‍ പങ്കെടുക്കാന്‍ താത്പര്യമുള്ള കര്‍ഷകര്‍ 9400707109 എന്ന നമ്പറില്‍ ബന്ധപ്പെടുക.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.