2022 January 29 Saturday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഡേവിഡ് വില്യംസ് എ.ടി.കെ മോഹന്‍ ബഗാനില്‍ തുടരും

കൊല്‍ക്കത്ത: കഴിഞ്ഞ സീസണില്‍ എ.ടി.കെയെ ഐ.എസ്.എല്‍ ചാംപ്യന്മാരാക്കിയതില്‍ പ്രധാന പങ്കുവഹിച്ച അറ്റാക്കിംഗ് താരം ഡേവിഡ് വില്യംസ് ഈ വര്‍ഷവും എ.ടി.കെ മോഹന്‍ ബഗാനില്‍ തുടരും. 32കാരനായ താരം കഴിഞ്ഞ സീസണില്‍ എ.ടി.കെയ്ക്ക് വേണ്ടി ഏഴു ഗോളുകളും അഞ്ച് അസിസ്റ്റും സ്വന്തമാക്കിയിരുന്നു. ഒരു വര്‍ഷത്തേക്കാണ് താരത്തിന് കരാര്‍ നല്‍കിയിട്ടുള്ളത്. കിരീടം നേടിയത് ഒരുപാട് സന്തോഷം നല്‍കിയ നിമിഷം ആയിരുന്നെന്നും പുതിയ കരാര്‍ ക്ലബില്‍ ഒപ്പുവെക്കുന്നതില്‍ ഒരുപാട് സന്തോഷമുണ്ടെന്നും വില്യംസ് കരാര്‍ ഒപ്പുവെച്ച ശേഷം പറഞ്ഞു. ഇത്തവണ എ.എഫ്.സി കപ്പിലും കൂടെ ടീമിനെ മുന്നോട്ട് നയിക്കലാണ് ലക്ഷ്യമെന്നും വില്യംസ് പറഞ്ഞു. നേരത്തെ റോയ് കൃഷ്ണയും എ.ടി.കെ മോഹന്‍ ബഗാനില്‍ കരാര്‍ പുതുക്കിയിരുന്നു. മോഹന്‍ ബഗാനില്‍ ലയിച്ചതിന് ശേഷം എ.ടി.കെ ഏറ്റവും മികച്ച ടീമിനെയാണ് ഒരുക്കുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.