2022 May 25 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഡീസല്‍ വാഹനങ്ങള്‍ക്ക് നിയന്ത്രണം: സിംഗിള്‍ബെഞ്ച് വിധി പറയാന്‍ മാറ്റി

കൊച്ചി: ഡീസല്‍ വാഹനങ്ങള്‍ക്ക് നിയന്ത്രണം ഏര്‍പ്പെടുത്തിയ ഹരിത ട്രൈബ്യൂണലിന്റെ ഉത്തരവിനെതിരേയുള്ള ഹരജികള്‍ പരിഗണിക്കാന്‍ ഹൈക്കോടതിക്ക് അധികാരമുണ്ടോയെന്ന വിഷയം സിംഗിള്‍ ബെഞ്ച് വിധിപറയാന്‍ മാറ്റി.
ദേശീയ ഹരിത ട്രൈബ്യൂണലിന്റെ കൊച്ചി സര്‍ക്യൂട്ട് ബെഞ്ചിന്റെ ഉത്തരവിനെതിരേ കളമശ്ശേരിയിലെ നിപ്പോണ്‍ മോട്ടോര്‍ കോര്‍പ്പറേഷന്‍ പ്രൈവറ്റ് ലിമിറ്റഡ്, വെഹിക്കിള്‍ മാനുഫാക്‌ച്വേഴ്‌സ് അസോസിയേഷന്‍ തുടങ്ങിയവര്‍ ഹരജി നല്‍കിയിരുന്നു. എന്നാല്‍ ട്രൈബ്യൂണലിന്റെ ഉത്തരവിനെ സുപ്രിം കോടതിയില്‍ മാത്രമേ ചോദ്യം ചെയ്യാനാവൂ എന്ന വാദം വ്യക്തമാക്കി കഴിഞ്ഞ ദിവസം ലീഗല്‍ എന്‍വയോണ്‍മെന്റല്‍ അവേര്‍നസ് ഫോറം (ലീഫ്) സത്യവാങ്മൂലം നല്‍കിയിരുന്നു.
തുടര്‍ന്നാണ് ഇന്നലെ ജസ്റ്റിസ് പി.ബി.സുരേഷ്‌കുമാര്‍ ഹൈക്കോടതിക്ക് ഈ വിഷയം പരിഗണിക്കാനധികാരമുണ്ടോ എന്നതില്‍ വാദം കേട്ടത്.
ഇതിനിടെ കെ.എസ്.ആര്‍.ടി.സിയും കേരള പ്രൈവറ്റ് ബസ് ഓപ്പറേറ്റേഴ്‌സ് ഫെഡറേഷനും ട്രൈബ്യൂണലിന്റെ ഉത്തരവിനെ ചോദ്യം ചെയ്ത് ഹരജി നല്‍കി. പത്തു വര്‍ഷത്തിലേറെ പഴക്കമുള്ള ഡീസല്‍ വാഹനങ്ങള്‍ തിരുവനന്തപുരം, കൊല്ലം, കൊച്ചി, തൃശൂര്‍, കോഴിക്കോട്, കണ്ണൂര്‍ എന്നീ കോര്‍പ്പറേഷനുകളുടെ പരിധിയില്‍ സര്‍വിസ് നടത്തരുതെന്ന ഉത്തരവിനെയാണ് കെ.എസ്.ആര്‍.ടി.സിയും പ്രൈവറ്റ് ബസ് ഓപ്പറേറ്റേഴ്‌സ് ഫെഡറേഷനും ചോദ്യം ചെയ്യുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News